بسم الله الرحمن الرحيم و الله مش عارف نرد علي مين و لا مين ؟ ايوة كده شوية تشجيع الله يكرمكم علي الاقل القاه منكم وعلشان ما حدش سائل فيا في بلدي العظيمة قال و ايه الاتحاد المصري للدراجات النارية (بعد عدة محاولات ان يساعدوني في الرحلة و المساعد هو الله طبعا ) حاطط واحد ياباني رحالة علي موتوسيكل قابلوه بالصدفة في مصر و فرحانين بيه علي الاخر .يظهر لازم اكون ياباني علشان الاتحاد المصري يهتم . المهم الموتوسيكل هو هوندا xrv 750 Africa Twin موديل 1996 وهو مخصص الي حد ما للسير في الطرق الوعرةولكن عيبه انه ثقيل جدا للطرق الوعرة و الرمال قمت بأضافة صندوق للعدة في مصفح الموتور ( و ذلك لاحداث اتزان مع كثرة التحميل في المنطقة الخلفية للموتوسيكل ) رقم واحد في الصورة المرفقة و رقم 2 و هي حقيبة ترتكز علي تانك الوقود بواسطة مغناطيس (وهي لا تتناسب مع تانك الوقود او الفايبر جلاس ) رقم 3 وهو جهاز gps لمعرفة الاتجاهات و خصوصا ان معظم الطرق في أفريقيا عبارة عن مدقات طينية مبتلة (من الامطار )او دروب وعرة عبر الصحاري رقم 4 وهي فروة خروف العيد و هي مريحة جدا للقيادة مسافات طويلة ,و كذلك تدفي من يرجف بردان (اعوذ بالله من الجو البارد و قيادة الموتوسيكل )معظم و سط و جنوب و الصحاري بافريقيا درجة الحرارة تقل عن الصفر مئوية نظرا للارتفاع عن مستوي البحر , رقم 5 و هي صناديق معدنية لحمل الغراض,اجودها الالماني و غالية الثمن (1000 ُيورو ) ويوجد صندوق معدني في الجانب الاخر من الموتوسيكل رقم 6 و هي زي ما البدو في قبيلتنا بيجولو (غرارة او زكيبة ) roll bag و هي مضادة للامطار بالنسبة لما احمله معي من مستلزمات و هي موقد يعمل بجميع انواع الوقود ( تاخذ شوية بنزين من الموتوسيكل و تطبخ ) و خيمة و علم بلدي مصر الحبيبة و منامة و ادوات طبخ بسيطة و عدة شاي و مخدة و مرتبة (يتم نفخهم بالهواء )و حقيبة اسعافات اولية و جهاز كومبيوتر و كاميرا و تليفون محمول و بعض الملابس و ملابس القيادة (خوذة -جاكيت - قفاز - و حذاء (ده اهم حاجة ,محدش يركب دباب بالشبشب ) بالنسبة للموتوسيكل قمت بعمل صيانة (فلاتر و تغيير الزيت -الكاتينة و تروس الجر-تركيب طلمبة بنزين للخدمة الشاقة -و فلتر هواء خدمة شاقة -يمكن غسله- ) بالنسبة للاطارات قمت باختيار اطارات للطرق المسفلتة و للطرق الوعرة و تعرف ب on-off road tyres .و قمت بتركيب قمصان داخلية للاطارات للخدمة الشاقة و تعرف بالانجليزية بجلد الفيل بالنسبة لقطع الغيار (لمبات امامية و خلفية - فيوزات -فلاتر - بوجيهات - طلمبة بنزين اضافية -قمصان داخلية للاطارات -عدة اصلاح اطارات - و منفاخ هواء يدوي و سوف ارفق عدة صور اخري ارجو المعذرة (الكوبيوتر مافيهوش حروف عربي يعني انا و حظي في ايجاد الحروف و انا يعني يدوبك باعرف افتح الكومبيوتر و اقفله رمضان كريم انشاء الاله لو و صلت السودان سوف احاول ان اخذ عبارة من بور سودان و اقوم بعمل عمرة و بعد كده التوجه لمصر (ده اذا اخواني السعوديين وافقا يدوني التاشيرة لدخول المملكة ,و لو اي حد با جماعة عنده واسطة ولا معرفة .يبقي يساعدني .عسي الله ان يكرمه و تاني حاجة اتعزم علي رحلة صيد حلوة في المملكة يا ميين يناولني البيريتا !!!