[ثامرالماضي]

المشاركة الأصلية كتبت بواسطة ريع الدياب

الغالى أبوشعلان

اذا ماجاهن شئ معناه خويه دعسهن بدباب طعوس خفيف !!!!!

أبوإسماعيل ...
ترى السياره تويوتا صالون يعني ثقيل ...
والغريب إنه ماجاهن شي ...
تحياتي لك يابوإسماعيل

المشاركة الأصلية كتبت بواسطة خشم الحصان

الاخ الغالي
ابو شعلان
السلام عليكم
من توقيعك من شافة يقول وش هالحبيب والهويدي
ولكن من تتبع مواضيعك قال هذا مايحب الفتنة ابد
اخيي من الصور وبعد التحري هذا مزوره بتقول ليش كلمبو وكنون انتدبناهم وجو وقالو
1- الوطية تخولفة يعني وحدة يمين ونقطعت علي الشنطة
2- الوطية يسار ماكملت الي فوق
3- الا اذا السيارة طابة من السماء وتفوجحت
يعني مشكوك في الصورة
اخوك
خشم الحصان
..........
لا تقول ان شايب الصمان مسويها اذا هو اكيد الجوع نتق عيونة من ورا الكشمات سنة واحد مزنوط في عاير.. نغيزة

(( نعم للحبابه والهداوه ... ولا للفتنه ))
هذا شعاري قبل كلامي يابوجراح
وصدقني إن كانون وكلمبو ماعندهم سالفه هالمرّه أو إنهم مايعرفون قضايا البر ...
لأن الصوره حقيقية ...
وجرّة الموتر اللي رايحه يسار هذي أول ماوقفنا كان يوازن موتره عشان الهواء ...
تحياتي يابو جراح

المشاركة الأصلية كتبت بواسطة الجارمن

والله انا اشوف ان صاحب السيارة ناوي الوطية
يعني تشوف انه رويس شوي ثم مشى على العزبة
والعقاب ان في كل طلعة تكون عليه العزب كلها
يعني يجيب عزبته وكل واحد يوطى عليها بموتره

أبونواف لا تخلينا نقلب عليه ويمسك بروسنا هالعقاب... هههههه
بس تبي الصراحه ... أنت عندك عنصرّيه من ناحية العزب ... ودّك إنك تنهي عزب العالم كلهم عشان عزبتك تقى هي الأفضل ...
ياخي ترى حرام عليك ... أتوقع لولا الله ثم عزبت أبو فراس ماإستانستوا بالبر ( ماحب الحرش أبد )
تحياتي يابونواف ...

المشاركة الأصلية كتبت بواسطة هتان 1

ابوشعلان اضني انها حلال وألا تكسرت
خويك عجل ممكن جاه علم عن حبارى

هلا أخوي هتان1 ...
أكيد إن شاءالله إنها حلال ... وش رايك أنت ههههه
الصراحه هو عجل لكن الله جاه علم في ( ........ ) !! هههههه
تحياتي أخوي هتان1

المشاركة الأصلية كتبت بواسطة كان

انا اعتقد ان الوطية جت على الغطى الحاله بدون ما يوطى الشنطة كلها

حياك أخوي كان ...
مالك لوا الصراحه وطاها كلها ... وأول ماوطاه على طول قمزت وجبت الكمراء ...
تحياتي أخوي كان ...

المشاركة الأصلية كتبت بواسطة ابو فراس

ابو شعلان هالمقال ابرسل منه صورة لشايب الصمان وابو ذيب وعروان

قبل سنتين كنا في رحلة جماعية كان فيها نخبة من الربع يحطون على الجرح يبريه بإذن الله وقد كان معنا منقل ودعسه ( ووطاه ) عروان والا الان لا نعلم السبب ولكن حبيبنا ابو ذيب قام بالمهمة وسمكر المنقل واعادة الى طبيعته الاولى

حبيبنا ابو شعلان بعد شوي يبي ينط عليك ابوصقر ( اذا كان موجود بالمنتدى) ويبي يرد عليك مثل رفيق دربه الجارمن ويتكلمون عن العزبة

اخوي ابو نواف ترا العزبة ذي استعمال دائم وليست استعمال مرة وحدة من اجل ذلك مشت عليه السيارة ولم تتاثر لجودة صناعتها

الى الان اخونا الجارمن يستعمل السلاح الاعلامي

يجي الشتاء ان شاء الله ويبان الاصلي من التقليد

واسف على الاطالة

هلابك يالعمده ...
وش علمه عروان يومه ياطاه ... أو عجل مثل رفيقنا جاه ماجاه ....
وسلم لي على أبوذيب ... السمكري ...
والله العالم إن هالعزبه يابوفراس صارت تزوّلهم بالمنام ... وتبهذلهم بالحلوم ...
تحياتي يابوفراس ...

المشاركة الأصلية كتبت بواسطة عيسى العيسى

أتوقع ان الرجال بعد ما تغدا جاه الحارش مارش اللي يخض البطن

ودعس للموتر عشان يروح بعيد عن الربع والصيدات التوثيقية وهوعجل وما درا

وتقبل تحياتي

هلا يابومحمد ...
يارجال أشوى إن مافيه أحد منسدح حول الموتر وإلا كان حطه مطب بعد ... شكل الرجال منعمي ...
والظاهر مثل ماقلت الحارش مارش هو نقطة التحكم بهالوقت ...
تحياتي يابومحمد

المشاركة الأصلية كتبت بواسطة ولد نجد

هلا ابو شعلان
يمكن رفيقكم مثل رفيق لي دايم يوطي اغراضنا .. غصب عليه لانه يسج وفيه "رفاله "
حتى انه مرة وطى له هريفي بالبر ودفعنا قيمته ..
بالنسبة ليه ماتكسر لانها واقفه حطها على جنب وشف كيف تكسر

هههههههه
أخوي ولد نجد ... والله ماعاد يسوق غير ماساق بالبر ...هرفي حتّه وحد ... هههه
وين المترو عنه ... 40 كيلو عشان هرفي ويالله يالله لقاه ... ورفيقك يدعّس هرافى ... هذا والله القهر ...
وصحيح مثل ماقلت لوهي على جنبها كان صارت ملح ...
تحياتي أخوي ولد نجد ...

المشاركة الأصلية كتبت بواسطة ابو صقر

هههههههههههههههههههههههههههه

ابو شعلان....................... عليك مواضيع

ترا على فكره صاحب السياره ماهوب غلطان الغلطان اللي حاط البيالات عند الكفر
وشكله مقصوده

انا موجود يابو فراس
وبعدين عزبة الجارمن ماتحتاج كلام وتلميع اعلامي مثل بعض الناس
اللي مايجي طاري عزبه الا نط واحد من حبايبنا وشكله (بأيعاز) وقام يتكلم عن العزبه اياها
رغم تحفظي على العزبه (فيها نواقص كثيره من اساسيات الرحله) بس المحبوب براحه
ومحبتي لعمدتنا ابو فراس بس الحق حق

هلابك يابوصقر ... أثرنا مبطين عنك ...يالله حيه ...
لا عاد من جد وش رايك بالموضوع
وتبي الصراحه أنتم تكلمون عن العزبه وحنا ماشفنا شي ... مير عزبة أبو فراس شفنا منها الكثير والكثير ...
حطو صور مير يمكن تسند كلامكم شوي ... بس شايب الصمان رفيقكم مارد إلى هالحين .. أكيد عنده صور للمنقل يبي ينزلهن ...
تحياتي يابوصقر ....