[سرهيد]

المشاركة الأصلية كتبت بواسطة عمار السفينه

السلام عليكم ورحمة الله وبركاته

ماشاء الله تبارك الله

وش ذا الشغل السنع ياابو عبدالله

الحقيقة شغل مفصل ورائع

ولو تقدمه للشركه يمكن يخلونه كتلوجهم

والصراحة انا عندي الدبة من النوع الايطالي القديم معد تباع في السوق

لها تقريباً 15 سنة وشغلها ماشاء الله تمام التمام

لكن طريقة تعبئتها تختلف عن هذه

وبأذن الله نسير على الحراج شكل فيه أمور حلوة

مثل الدبة ( المعصقلة ) ماشاء الله

أخوك

أبوعبدالله

السلام عليكم

هلا والله وغلا بالعزيز عمار السفينة

الله يسلمك على هالكلام الحلو

خجلتونا طال عمرك واعطيتونا اكثر من حقنا فديتك والله

وش تقصد بالشركة شركة الغاز والا شركة برايمس

اما با دحمان فابشر بقل التفاهم ما يعطون الواحد وجه ،

بس ما طيب خاطري فيهم الا ابو فهد من ايام يوم خرشهم بخصوص موضوع معين وشكاهم على الشركة الأم ، يوم جوك يهبهبون ويقولون سم طال عمرك ، الله يرحم الحال ما ينفع الا توريهم العين الحمراء علشان يخدمونك .

وش تقصد انها تختلف ،

ان كاني ماني واهم فالاختلاف ففط في ان سنة الدبة خارجية وليست داخلية كاني ماني واهم .

وبخصوص الدبة المعصقلة على قولتك هذي مستحيل تلقاه في الحراج ، هذي تباع جديدة لكن للآسف غويليه وما غلت الا من شهر تقريبا كنت اشتريها بـ 110 الآن للآسف بـ 175

الله يعين بس

واسعدني تواجدك لا عدمتك

اخوك

ابو عبدالله