السلام عليكم ورحمة الله وبركاته
أبو عبد العزيزز موضوع متكامل عن السيارات القديمه الفروت والادواج والشفرات
والجموس والماكات الله يعافيك.
قال الشاعر عبدالله سعود الدريبي من الدوادمي ايام التهريب.
اما من عتق ماشي خلاوي على التوصيف"-" نجوم الـدلايل لاسرينا ندل بها
على مركني وان ذكر بالخطر ما شيف"-" على ضغط ضوه جرت الهاف خربها
حركات ماطــوره بريه عن التزيـــيف "-" وقــــيره دبل ومســاعـدات نركبــها
وله اخرى
طف نوره وانتبه وسهيل عانه "-" بين نفد وقور والديره وحيشه
من جبل عمان حزبنا الزنانــــه"-" الابيــتر قــدم والريشه غشيشه
انحنى السواق مثل الخيزرانه"-"فوق فرت هاف مايزعج نشيشه
النجوم الساريه النـــا علامه"-" نجـم عقبــناه واخـــر قد بيشه
منتقينه يوم نشري من خوانه"-"ماشريته نصب نبغى منه عيشه
معاني الكلمات
عتق: قريه باليمن قباله الوديعه بالسعوديه
عمان:بالاردن
الابيتر: عرق رمل بالشمال
الريشه: ديره ابن شعلان بالاردن
بيشه : بالسعوديه
لاهنت