قمت قبل يوم بحجز شقة في أبها على الطريق الدائري قريبة من أسواق الغنيم وفي الطريق للنزول من السودة إلى أبها ... ستجد الزحام المعتاد خصوصا قرب غروب الشمس... صورة بالمرآة حقت الموتر <<< أجل بمراية البنشر . . زحمة يادنيا زحمة ...وعموما هذي الزحمة صراحة لاتستمر طويلا .. بس شوي وقت وتمشي الأمور تمام يعني مهيب من الأمور إللي تنغص على السايح .. إلا تسان السايح الشبوبة . . هذه الزحمة ترتبط بالطريق الدائري في أبها كلها ... . . يومك سعيد للشقق المفروشة ... هي اللي سكنا فيها ... غرفتين مجلس مطبخ دورتين مياه أجلكم الله ... بـ 500 ريال يوميا ... الصراحة غالية ... لكن في أبها عموما والسودة والطائف بعد ... اسعار السكن في العلالي ...والأسعار ترتفع كل يومين ثلاثة غرفة . . المطبخ ...ومجهز بمايكوريف <<< مهوب ظاهر بالصورة بس على اليمين تراه قسم بالله . . المدخل ...وعلى يسارك الملجلس وعلى يمينك دورة مياه الله يكرمكم . . غرفة بسريرين . . الملجس ...وعلى فكرة ..ماعندهم إلا فقط قنوات المجد .. يعني اللي راعي مهند ولميس ومدري وشو ...ماتصلح له . . امامك دورة مياه أكرمك الله وفيه غسالة وعلى يسارك الغرفتين . . في الطريق إلى مهرجان ابها السياحي القريب من المطار ...رسوم دخول السيارة 10 ريال والصراحة إنه من أفضل الفعاليات ...لأن فيه محلات للتسوق ...وفيه بالوسط جلسات عوائل ...ومطاعم يمينك ويسارك مشهورات وغير مشهورات ..وفيه فعاليات للأطفال من مسرحيات وعروض وغيره درجة الحرارة في أبها بعد المغرب . . مدخل مهرجان صيف أبها . . بعد النقطة الموجودة في الصورة الأعلى ماتقدر تصور لأن المكان مزحوووم ناس ..تخيل تصور ويجي واحد يدخل الحامل بمناخيرك .. وش موقفك هالحزة ..مالك ومال المشاكل لكن لقينا مكان يصور الأولاد باللبس الجنوبي التقليدي ...فقلت له ابروح اجيب كاميرتي من السيارة...ورحت وجبته وصورت الشباب باللبس الجنوبي ياسر ... . . صالح . . في أبها العديد من الحدائق الجميلة ...ولكن يعيبها أن الناس عندهم قلة وعي بأهمية نظافتها تمر وماتشوف إلا الزبايل اكرمكم الله بشكل عجيب ... هالصورة أخذتها خلسة لأنه ممكن أتمشكل مع الناس . . هالصورة فيها شي غلط . . في حي النميص وهو الحي القريب من طريق خميس مشيط وعلى الدائري ...وقفنا عند هذا المطعم ...نبي ندخل نتعشى ... ياولد معين يندخل ...يمين ..يسار ...ما له بيبان ... وش لون الناس تدخله ؟ قط بإنزال مظلي أو وش لون ؟ بالأخير لقينا عامل ... قال هالمطعم يبي يفتح يوم السبت ... مطعم السنارة . . كان بيني وبين أبو صالح وهو أخ عزيز وقريب اتصالات ..وعزمنا قال وش رايكم باتسر نتغـ أنا على طول قلت تم يابوصالح طيب لو هو مثلا يبي يقول نتغبى عن العيال وأنا طبيت على طول ؟ المهم تواعدنا في دلغان ...وكان الجول طيب بالحيل ...وأصوات الرعد حولنا بس محلنا ما أرد الله إنه يمطر ... وطبعا الجلسة ماتحلى إلا بوجود أبومحمد كان ملح الجلسة الله يطول بعمره على طاعته محاولات لإقلاع الطائرة الشراعية . . أبوصالح في هذه الأثناء كان يحكر الكبيسة اللي تخلي الواحد يديور وهو في حرف T . . لعب وفرفشة . . . . . . . . انتظرونا