صور رحلتي الى العيص أولا انا كنت براسى وفي بداية الرحله قررت ان أصور كل شى بما ان الطريق الى ينبع جديد،، ومع ان الطريق لايوجد به مناظر حلوه غير الخبوت والسافي لكني أخترت لكم أفضل الصور من حيث الموضوعيه مع الصور اللي من العيص. لابد من المرور على موكاتشينو، خط ينبع طويل ما فيه مناظر أو ما يسر العين البوندو يحسبنى من البلديه يوم صورته قال (انت في جريده) قلت له لا (انا فيه رحلات) قرب مدينة رابغ دعايه عن مدينة الملك عبدالله الأقتصاديه خويي الدائم حافظة المرطبات، ما يحتاج توقف وتنزل للمحطه علشان قارورة مويه أوعلبة ببسي على مدخل ينبع النخل جبل أو جبال رضوى احد معالم المنطقه المشهوره الصوره ليست للوحه ولكن لطريقة كتابة قرية القويز بالأنجليزي QUIZ وتعني امتحان صغير شجرة دوم جميله على يسار الطريق الى العيص ياليت الصوره كانت أقرب ياقادمي العيص حيا الله مقدمكم ------------- أهلا بكم في بلاد الجود والكرم بعض من أخويانا من بريده والمربع وأشيقر في قلطه مع ضيوف العريس صوره تذكاريه من اليمين: على العرماني، مهراس، ابراهيم السلامه، العريس بالبشت، عبدالله السلامه وسليمان الشبعان من بريده مكان ممراحنا على مدخل العيص حيث لم يسعفنا الوقت لأختيار أفضل من هذا المكان، هذي غلطه شنيعه، قد شفتوا ناس نايمين في البر على سفلت سيارة أبو فهد من أشيقر راعي بر ورحلات أبد مستعد بكل شىء، يازينه اذا هو رايق .....!!!!! احدى مزارع النخيل بالعيص القديمه تعاني من قلة الماء، حقيقه ان الماء عصب الحياة عفت الديارمحلها فمقامها ------------ بمنى تأبد غولها فرجامها ، تطابق في الوصف لستر، أو بلاكستون تحكي أيام العز يوم هالمزرعه عامره بالخيرات وقبل مايجي الأرتواز حتى هياكل السيارات شاهدة على حضارة سادت ثم بادت هذا الباب فيه مسحه من الجمال لكن لا تسألوني وين هذه هي العيص القديمه موضوعنا، اما الجديده فليس بها ما يحرك الشجون، هي مدينة حضاريه متطوره بها كل الخدمات والمرافق تسير مع الركب نحو المستقبل، وقد تصبح قديمه وتصير موضوعا آخر، وهذه سنة الحياه أشكر لكم المتابعه *********************