السلام عليكم ورحمة الله وبركاته على طاري موضوع أحد الأخوة عن فلتر المكيف في الباترول تذكرت فلتر حق الهايلوكس وسهولته فحبيت الكل ينظف فلتره في كل تغيير زيت لسهولته الطريقة افتح الدرج الكبير وأرفعه على فوق وهو مفتوح يبي يطلع معك الدرج على طول ناظر من خلفه تبي تحصل غطاء مستطيل وبتحصل في طرفه اليمين مكان للتفح وإذا فتحته بتحصل الفلتر وطلعه بيدك وانفخه بالهواء ورجع كل شي مكانه اعتذر ع الإستعجال لأني كتبتها قبل الإقامة واخاف تفوت علي فأي سؤال حياكم الله بعد الصلاة بخصوص فلتر الهايلوكس والسموحه ابوخالد
طيب واللي ما عنده هايلكس وش يسوي واللي عنده جيب جي اكس ار 2003 وين يلقى الفلتر
هلا عمدتنا انا موتري مثل موترك توي شاريه ابتعلم عليه وارد لك بس اي شي يخرب فيه تراه النص بالنص عموما على حد علمي الآند مافيه فلتر ... يقولون اوفر <<< إي هين هلابك عمدتنا ابوخالد
وعليكم السلام ورحمة الله وبركاته الغالي أبوخالد بارك الله فيك وجزاك الله كل خير على الإفادة ألف شكر يالغالي خالص الود والتقدير والمحبة أخوكــــ عبدالله
تسلم يا أبو خالد الظاهر الكلام هذا ينطبق على الكامري بعد لانها نسخة شبيهة للهايلوكس
تسلم يا أبو خالد على هذا الشرح المختصر وكل عام وإنت بخير يالغالي
يسـعد الله مسـاكم بكل خير طيّب والبرادو ،،، فين موقعة ؟؟؟
السلام عليكم ورحمة الله وبركاته الله يتقبل منا ومنك صالح الاعمال اخوي نوماس سدير لكن ان اقول ان شاء الله بنلقى الصور عقب الصلاة اخوي نوماس الدرج علشان افكه له مسامير ؟؟؟
السلام عليكم ورحمة الله وبركاته كيف حالك يانوماس تراني رفعت الموضوع يمكن تذكر الصور اخوك / عايش
وعليكم السلام ورحمة الله وبركاته جميل هذا الطرح والشرح ولكن تمنيت لو أرفقت صوراً للعمليّة أشكرك وننتظر القادم وفقك الله
Security team
لأصحاب الهليات من 2006 وطالع ... وشلون تطلع فلتر المكيف خلال نصف دقيقة ( بالكثير )
بخصوص فلتر الهايلوكس والسموحه
العرض العادي
