وش أمقعدكم هنا

[أبو فالح]

السلام عليكم ورحمة الله وبركاته


مساكم الله بالخير جميعاً .. حيالله الشقردية كلّن باسمه .. من صقركم حتى شفايف أنعجكم

يعني .. وقدات سمر وقهاوي وعلوم غانمة ولا علموتونا .. ماصارت يا جماعة الخير ما صارت

عموماً .. حبيت أمسي عليكم وبارك للغالي أبو أحمد هذه الخطوة الجريئة والعصامية ..

والتي أراها وهي في بداياتها تخطو بتسارع جميل وباهر ..

طبعاً .. هناك سبب يتيم لهذه البداية النوعية ... تحبون تدروون السبب شنهو ؟؟

هو نتيجة طبيعية لما يتواجد في قلوب الكثير والكثير من محبة وجميل وعرفان ..

لشخص الهرم الرحلاتي ( أبو أحمد )

تمنياتي بالتوفيق ،،،

[أبو سليمان]

هلا مليون .. بالغالي أبو فالح..
ياخيي أبرك بهالمناسبة اللي جابتك ...
والله ثم والله .. يا انا مشتاق لك بلحيل ..
ياخيي التهاني والترحيب والمجاملات .. وتحليلك لها .. وقضينا
هات ما عندك ... اخلص .. ولا يغريك التدبق بالدبس .. ماصار عرس يابو محمد

[أبوطوق]

أولا وقبل الرد أحببت أن أهنئ حبيبنا و كبيرنا ( أبوأحمد ) على هذا المنتدى الكبير والبداية الموفقة راجيا منه مواصلة المسير التصاعدي دون الإلتفات إلى الخلف أوالنظر إلى الأسفل فمن ( سار على الدرب وصل )

أما أنت يابوفالح ( فشقردي ) من أولئك الشقردية الذين مسيتهم بالخير بل ( أشقردهم ) دون قصور بالباقي ويكفينا طلتك الحلوة وموضوعاتك الإبداعية

[أبو فالح]

[CENTER]

المشاركة الأصلية كتبت بواسطة أبو سليمان

هلا مليون .. بالغالي أبو فالح..
ياخيي أبرك بهالمناسبة اللي جابتك ...
والله ثم والله .. يا انا مشتاق لك بلحيل ..
ياخيي التهاني والترحيب والمجاملات .. وتحليلك لها .. وقضينا
هات ما عندك ... اخلص .. ولا يغريك التدبق بالدبس .. ماصار عرس يابو محمد

الله يبارك بايامك يغالي .. وفالك المليون

واللي عندي يا كثره كثرااه .. ابدرعم في هالمنتدى وهج أثمي .. كل شي أبقوله

لكن أعلمك شي ولا يدري أحد .. أمانه ماتعلم

قبل كم يوم أخذت المحمول وجلست أطقطق بالمشب .. إيقال الخواطر ما تجي إلاّ على صالي النار

المهم .. ما خذت أشوي إلاّ الشاشة دردبيس ، اركض للمهندس .. قال إيخلف الله

تحتاج شاشة بألف وخمس ميّة

هاذي السالفة اللي مابيك تعلم فيها أحد .. وهذا اللي خلاني أتأخر في المشاركة في منتدى الرحلات

عموماً .. خل الجماعة يتوهقون زيي وتخرب شاشاتهم

أمّا سالفة الدبس واللي ما دبس .. والله أنك ظالمن .. نحن قوم نجلد الحرمة من أول يوم

إيقالي مالتفت سبعين مرة قبل ما اكتب العبارة أعلاااه .. ما يلزم مشاكل ونا خوك

بمان الكريم

[أبو فالح]

المشاركة الأصلية كتبت بواسطة أبوطوق

أولا وقبل الرد أحببت أن أهنئ حبيبنا و كبيرنا ( أبوأحمد ) على هذا المنتدى الكبير والبداية الموفقة راجيا منه مواصلة المسير التصاعدي دون الإلتفات إلى الخلف أوالنظر إلى الأسفل فمن ( سار على الدرب وصل )

أما أنت يابوفالح ( فشقردي ) من أولئك الشقردية الذين مسيتهم بالخير بل ( أشقردهم ) دون قصور بالباقي ويكفينا طلتك الحلوة وموضوعاتك الإبداعية

مرااحب في أبو طوق .. أسفرت ونورت .. هاذي الساعة المباركة اللي شرفت

أمّا سالفة ( أشقردهم ) .. عين خير ... وتراك ما خاويت أبو أحمد ولا ذقت نثريات أبو سليمات

أيضاً .. ما سمعت سواليف خشم الحصان والمليئة بالنغزات والدفسات

أقول يا مراحب .. يامراحب بالطوق وبو طق والسالفة تكاملية وناخوك .. عطنا اللي عندك يا باشا

[خالد الشريهي]

هلا وغلا ابوفالح

تو ما انور المنتدى والله

الله مير يحييك ويخليك

بانتظار ماعندك دامك صلحت الشاشه

تحياتي

[عبدالكريم اليوسف]

مرحبا مرحبا ملـيون ترحـيـبه @@ عد من حج بيت الله وصلى به
جيتك مثل المطر زان تصبيبه @@ منـتدنا بالفــراح هــج لك بابه



مرحبا ملايين
شرفت يالامير
زاد النور نور
سعدنا بتواجدك المشرف
وانت من اهل الدار
بمجرد تسجيلك


اخوك

[ثامرالماضي]

حياك الله أخوي أبو فالح ... والله يبارك فيك ....

وأبو أحمد يستاهل كل خير .....

لاهنت يالغالي ..........