الاثره وما ادراك مالاثره عند الصقارين (جرة الحبارى )

[المترو]

السلام عليكم ورحمة الله وبركاته

موضوع اتوقع انه خفيف على النفس ويطرب اهل الطيور الصقارين الكرام وحقيقه الصيد يطرب الجميع وهو افضل هوايات الصحرا ء وبما ان المقيظ ((المربط ) اوشك على الانتهاء لاننعشكم قليلا

اليكم كم صوره لاثرة او جرة حبارى بعدستي بالشمال



واخرى بالدهنا






وعشان نزيد المتعه لديكم راعية الجره وهي بخبر كان بعد ان طرحها الطير






وعلى الصقارين عدم فك الطيور من المربط بعد هذا الموضوع يذبحها الحر

وتقبلو وافر الود والمحبه

[الوافي عزام]

الله لايهينك يالمترو

وعز الله اننا لاشفنا جرتها تباشرنا بالخير
وخصوصا لاصرنا بعيد عن العالم وخابرين ارضها صاده شوي

وشاكر لك

[المنتعش]

تسلم يالمترو على الصور

وجرة الحبارى شوفتها توسع الخاطر والله يمتعك

ويمتعنا بصيد هالسنه

[سحمان السبيعي]

شكرا اخي المترو على هذه الصور التي تشرح الصدر

[ثامرالماضي]

بسم الله الرحمن الرحيم

الله عليك يابوناصر ...

هذي المواضيع اللي تحمّس ... الله يجزاك خير ...

أما الجرّة الأوله عزالله إنها جرّت خرب متعافي ... هامّة ...

يقول حمد السعيد :

لاجيت قيعــانٍ عقب رش وبلي *** ولقيت جرّة من لها القلب منقاد

بأطراف روضٍ ماتوطاه قبلي *** حيٍ من اللي تارسٍ راسه عناد

جرّة خرابيٍ فطينن وخبــــلي *** الليل كلّه ماهتنا فيه بـــرقـــاد


أبوناصر الله يرزقنا وإياكم الحباري اللي توسّع صدورنا بهالموسم الجاي ...

لاهنت يالغالي ... وترانا ننتظر المزيد يابعدي ...

,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,

[المترو]

السلام عليكم ورحمة الله وبركاته

اخي الكريم الوافي تسلم للمرور والله يوفقك بالصيد للموسم القادم ان شالله
والموضوع كله ابي اطرب الصقارين ونرفع من المعنويات لان المقيض ثقيل علي الجميع

ولك وافر المحبه

اخي الكريم المنتعش
هلا وغلا وتسلم للمرور والتعليق وبيض الله وجهك يا غالي

ولك التحايا

ايوشعلان هلا وغلا ومراحب والمقصد كما قلت نبي نطرب اهل الطيور ونحمس للمقانيص من بدري والله يرزقك الصيد الوافر للموسم القادم

وابشر بعزك بارك الله فيك

ولكم جميعا وافر والمحبه وصادق الود

المترو

[قناص الحبارى]

أخي الغالي / أبو ناصر ،،

السلام عليكم ورحمة الله وبركاته ،،

بيض الله وجهك وما قصرت ---((( هيضتنا وما قصرت )))--- الله يعين الليله وش هي الحلوم .. ؟؟

اخوي الغالي أبش بالخير بأذن الله الموسم الجاي بأذن الله موسم خير الله يرزقنا وجميع الأخوان باللي يشرح الصدر ..


وتقبل مني أجمل تحيه ..

أخوك/ ابو عبد العزيز

قناص الحبارى

[ابو صقر]

الله يعطيك العافيه يابو ناصر صور رائعه وواضحه لأثار (جرة)الحباري

مشكور ياخلفهم