إذا نقلت الجير…كرهت الحر….…موضوع للنقاش

[مكرم الضيف]

السلام عليكم ورحمة الله وبركاته
مسيكم بالخير اخواني الاعزاء
تقبل الله طاعتكم جميعا ..وعساكم بخير وبصحه وسلامة

قبل كم يوم مريت المربط وتعرفتلي على رجال الله يذكره بالخير مثلكم وشرواكم ..وقعدت اسولف معه عن الجيره والوانه وشرطاته الخ. ما يخص الجير ...ويقول
" يوم نقلت الجير , كرهت الحر"

وش رايكم
نقول الا اللقاء يالحر ...ومرحبا يالجير ؟ هههه

واخواني هذا موضوع للنقاش ..ما في صح ولا خطا ..والله اعلم

تقبلو تحياتي
اخوكم
مكرم الضيف

والسلام عليكم ورحمة الله وبركاته

[ثامرالماضي]

موضوع حلو .. زي راعيه ...

اللي أعرفه إن الجير مايفلح عندنا وخاصة بجونا هذا ... إلا بالمربعانيه .. لأنه يبي له برد يقص العظم عشان يبدع ..

يعني بالنقطه هذي يبقى الحر بالمركز الأول ...

ولن يأتي اليوم اللي يقولون وداعاً للحر .. مهما أبدع غيره من الطيور ..

رأيي فقط

لاهنت

[راعي ساموده]

وعليكم السلام ورحمة الله
الجير له عشاقه اللي يشدهم فيه سرعته وقو قلبه، واعتقد ان اغلبهم يقنصون اما في عز البرد عندنا مثل ماقال ابوشعلان وهي فتره قصيره او في خارج الحدود حيث فترة البرد أطول.
اما راعي الديره فماله غناة عن الحر وتحمله واطباعه الطيبه.*
اخوك ابو عبدالله

[حامد الغامدي]

أستفدنا منكم ولو انا أهل سيارات ورحلات، بارك الله فيك يا منزل الموضوع.

[مكرم الضيف]

لاكن المعروف بالحر انه ملك الطيور اكثر طير يتحمل
لاكن الجير حجمة تقول خرب يا زينه بس