السلام عليكم ورحمة الله وبركاته قبل حدود شهر كنا في احدى فياض الصمان وكالعادة الصور تتحدث وبعد الأنس ليلاً ذهب الأصحاب إلى اماكن النوم ولكن اين .؟ هذا مكان احد الشباب وهذا فراشي هذا مراح الثالث <<< الله من الشقى طبعاً ليش نايمين هنا .؟ علشان طير البر ( ابوجعل ) الله يعزكم نكمل بما اننا كنا ننتظر بعض الشباب وتأخروا علينا خذنا شوط ثاني بعد الفجر والهروب من الشمس والحمدلله كان المكان موفق بعدما اصبحنا وعينا خير كان الجو جداً حار ( الساعة 9 الصبح مؤشر الباترول يقول 41 درجة ) ..!!!! بعد ذلك ذهبنا نصطاد غدانا من ضبان وطيور ولا لقوا الشباب إلا 3 ضبان وكم خضاري والحمدلله نعمه وبعد ذلك ذهبنا إلى المزبن والهروب من الحر الشديد إلى احدى الدحول بعد النزول طق الهاجوس بالدخول وبعد ما ركبت الملقمه ع الدافور توكلت على الله و دخلت الأرض رطبه والخير قدام ولكن ما دخلت كثير ولعل بيوم ادخل اشوف وين يودي من الداخل بعد تجهيز الحبل والكشاف والسلاح للحيطة واثناء ما انا بداخل الدحل إلا وسمعت صوت الشباب ومعهم الخير ورجعت ولقيت هالجحه مفلوشة تتبرد ماشاء الله هذا الذيب ابوجلعود يرحب ... انا اشهد انه خوي وهذا المجلس ( درجة الحرارة تخمينيه بحدود 15 إلى 20 درجة ) بعد ما تغدينا وعينا خير توجهنا بالأغراض فوق والشيخ ابوعيسى جلس ينظف المكان وآخر صورة الشيخ ابوعيسى يشعل الأوراق الموجودة بالدحل ويخرج بعدها ليبقى المكان افضل مما كان بيض الله وجهه اتمنى ان تنال شيئاً من رضاكم واستحسانكم ابوخالد
رووووووووووووعه يابو خالد ( عالم البقاااااء) خخخخخ والله ياشكل الجحه شييييييييي
الغالي ابو خالد بارك الله فيك على هذا التقرير الجميل وعلى هذه الصور الاجمل لاعدمناك يالامير اخوك
الصراحه رحلة جميلة وموفقها ان شا الله عساكم ان شا الله دوم مجتمعين وعلي الخير
شـكــ وبارك الله فيك ـــرا لك ... لك مني أجمل تحية .
مشاءالله تبارك الله مشكور وماقصرت على التقرير المميز تحياتي لك
ابو خالد تقرير موفق ورحلة ممتعة لكن وين الموفع هذا "الدحل" شـكــ وبارك الله فيك ـــرا لك ... لك مني أجمل تحية .
الأخ الغالي نوماس سدير السلام عليكم ورحمة الله وبركاته رحلة وتقرير رائع الدحول جملة وهي مكان رائع للمغامرة والاستطلاع
الله ترد الروح هالمناظر ... الله يونسكم مثل ماونستونــــا بهالمناظــــر ... عساه دووم هالصحبه الطيبه وعسى الله مايفرقكم وتجتمعون دوم على خير ... يعطيكم العافيــــه ...
وعليكم السلام ورحمة الله وبركاته الاخ الحبيب نوماس سدير دائما مبدع يا ابو خالد بس الدحل روعه بارك الله فيك
وعليكم السلام ورحمة الله وبركاته ابو خالد.. ما شاء الله تبارك الله تقرير جميل ورحلة أجمل كل شيء فيها اجتمع شكراً لك على ما قدمت وبارك الله فيك اخوك.. أبو فهد
الله يعطيك العافيه والله يوفقكم بالرحلات واذا تبغون خوي انا خويكم
ماشاء الله عليك يبوخالد رحلة موفقة وتقرير رائع والجح له عشق خصوصا في عز الصيف لاجاك باااارد لك تحياتي محبك\ عبدالله
ماشاء الله تبارك الله رحله حقيقي رائعه اول مره اشوف كشته وسط دحل . الصراحه انكم رائعين البر يبي مثل هالرجال ولا يمكن للرجل ان يحصل على فلت الحجاج الا بعد مايتعود على الخشونه والبعد عن النعومه وحب المغامره رحله موفقه ان شاء الله تقبل تحياتي
Security team
احدى الرحلات ( ربيع , كشتة نهار داخل دحل ) نوماس سدير
( ابوجعل ) الله يعزكم
( درجة الحرارة تخمينيه بحدود 15 إلى 20 درجة )
العرض المتطور
