رحلتنا إلى روضة خريم يوم الأربعاء بتاريخ 18/4/1432 هــ

[الطرس ممدوح]

السلام عليكم ورحمة الله وبركاته

حيا الله الرجال وشلونكم عساكم طيبين ومن حسنات هذا المنتدى الراقي انه عرفنا على الرجال اللي شروى من يقرأ. وحبيت أعرض عليكم رحلتنا إلى روضة خريم يوم الأربعاء بتاريخ 18/4/1432 هــ قلنا نتماكن الربيع قبل ينحمس وتعرفون الله يتوب علينا ماجاء مطر السنة إلا على بعض المناطق واتفقنا أن تكون بداية الانطلاق من بريدة ( وعذروني على القصور يالرجال ) وكانوا أعضاء الرحلة :
1/ محمد الخضيرأبونعيم (شاعرنا)
2/عبدالكريم الحبيتر أبوسما (رئيس الصندوق)
3/خالد الخضير أبوعبدالله السلفجي (على خواله )
4/سليمان السلامة أبوفهد (قرم الطلعة)
5/محدثكم الطرس ممدوح (؟؟؟؟؟؟ ) مالقيت شيء القب فيه نفسي الربع أخذوا عن كل شيء .
وآسف على الإطالة وإليكم الصور

وهذا المسجد أعجبني وكل مامريت من عنده أخذله صورة

يحليل الجيب أعجبني تصدقون يالربع وأخذتله الصورة لأنه له ذكريات

وهذي مبايض

وهذي مبايض

وبعدها اتجهنا إلى قرية الشعب ويحبيلها فيها غيران والشغايا والجلوس فيها ممتع

وبعدها مسكنا رادمية الأبراج وياجماعة الصراحة خطرة جداً جداً جداً وانتبهوا لهاى ترى بعض الشغايا قاطعتها

هذا موقع الخطر وليس هذا فقط فيه غيره بس انتبهوا يالرجال

استبشرنا بالربيع أن التنهات مربعة يوم شفت بداية الربيع اللي قبلها

واثرها ماربعة الله المستعان

وبعد الوصول للتنهات الحمدلله ضربنا النثريه وتعللنا وبعد صلاة الفجر حكرنا القهوة والشاهي مع التمرالخلاص والعبيط ورويبة الغنم اللي جابها الشاعر الله يغنيه

وهذا الربيع اللي وراء الصبات على أول انحماسه من الشمس

وبعد القهوة أفطرنا فطور يحبه قلبك على استعجال علشان متروح علينا الأماكن الزينةاللي تفضخ القلب تستاهل من يعنيلها (وأنصحكم الواحد يدور سدر رفيع يقدر يجلس تحته أو طلح لأن الوقت حار وصارت معنا)

يتبع ...