الغالي
ابو شعلان
كل الشكر لك على هذا الابداع
وعلى هذه الصور الجميلة
التي تميز من الصور الاحترافيه
رغم انشغالك بالقنص
الا انك ابدعت بشكل كبير
هيضتنا يالامير
ولا تبطي علينا من هالزين
اخوك
هلا بالغالي راعي الذوق ...
كل الشكر لك أنت على مرورك اللي زادني بهجه ...
والله من الهواش جاني ... كل شوي نازل أصور حتى الكروان أخرتهم عن الهدد عشان التصوير ... والله من الهواش هههههه ...
السلام عليكم ورحمة الله وبركاتة
ومشاء الله على التصوير الرائع والتقرير الأروع ويسعدني المشازكة في موضوعك هذا
يوم شفت صورة الدحل ولكن الغريب وجود الداب في هذا الدحل لئنة بارد وفي عز الصيف يكون أبرد
وللمعلومية يوجد دحل أخر شمال هذا الدحل بحوالي 40 إلى 50 كيلو تقريباً ولولا منع وضع الأحداثيات في المنتدى
حسب علمي لوضعت أحداثيات الدحلين والعذر والسموحة منك ومن الأخوة في المنتدى
أخوك فتى اليمامة
وعليكم السلام والرحمة
هلا وغلا حي الله أخوي فتى اليمامة ...
الكلام الطيب مايجي إلا من طيب ...
صحيح الدحل بارد بس هالداب كان يتشمس على هالحصاة ...
وصدقت من ناحية الدحل الثاني ... كان يقوله واحد من الربع ... بس للأسف بعيدين عنه ...
أخوي فتى اليمامة ... مرورك أسعدني بالحيل ... نلقاك في مواضيع أخرى بإذن الله ...
اخوي ابو شعلان الله يعطيك العافيه صور جميله وحض اوفر والقادم خير ان شاء الله
التوقيع
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله
اليوم قلت يابو فهد أدخل على قسم منتدى الصيد ولو انه مالي في الصيد، لكن الحقيقه يابو شعلان سبحان الخالق أعجبنى واستهواني موضوعك بشكل غير عادي، هذا كوكتيل أو قصة رحله الصيد اللي كنتم فيها كانت أكثر من صيد وهدد، خليني أعدد لك الأشياء اللي أعجبتني في الموضوع:
1- بداية موضوعك وكيفية تم التنسيق للطلعه بعد الخبر اللي جاك.
2- الأستعداد السريع ووالحصول على جرة الطير.
3- تصوير الكروان عن قرب وهذا انا اللي استغربه كيف الطير ما يجفل ويطير أو انك مصوره بالزوم أو مسوي له دنبوشي.
4-تصوير الطير يوم تهده على الكروان والحمامه.
5- عاد شي ما شفتوه أيضا موضوع ثاني ومتعه وتصويرك لما شاهدته قمة في الأثاره.
6- أجمل شى في هذا كله التصوير الكامل الوضوح ويظهر ان الكاميرا من نوع جيد ومعده ايضا للتصوير الله يبارك لك فيها، وتسوي لي خدمه اذا ارسلت لي اسمها ومواصفاتها لأني من فتره أدور على كاميرا جيده.
اتمنى لك الحظ الوفير في هددكم والله يرزقكم ولا يضيع تعبكم رحله جميله وموضوع ابداعي وكله من هذه الهوايه الممتعه.
...
العرض العادي
