مراتب الباترول

(راعي الباترول) · 12-01-09, 11:11 PM

السلام عليكم

انا عندي باترول موديل 90 ربع مراتبه مكسره وحالتها حاله
وتقرقع ابي منكم الله لا يهنكم اقدر اركب لها مراتب سياره ثانيه
تكون مريحه وقويه ولا تقرقع طبعن انا ما ابي اركب لها من التشليح
نفس المراتب ابي اغيرها مراتب اكبر و اريحه والي يعرف
مراتب تركب بدون قصقصه واجد وبهذله يعني شي يركب بسهوله
طبعا المراتب الاماميه حقت السواق والي جنبه
والي ركب مراتب لا يحرمنا من الصور والنصايح والطريقه

مشكورين وما تقصرون

**Abdullah K. AL-Hassan** · 13-01-09, 12:10 AM

وعليكم السلام ورحمة الله وبركاته

أخي الحبيب

راعي الباترول

حياك الله وياهلابك بين أخوانك

في منتداك الرحلات

بخصوص المراتب ليس لدي أي خلفية عنها

وبأذن الله الاخوة لن يقصروا في الرد عليك

اسأل الله لك التوفيق والسداد

خالص الود والتقدير والمحبة

أخوكــــــ عبدالله

Abu Ibrahim · 13-01-09, 03:06 AM

اهلا بك في المنتدى
بالنسبه للمراتب ليس لدى بها خبره
غير اقترح عليك تروح للتشليح
وتسألهم عن المناسب ويكون على الشرط
بالتوفيق

(راعي الباترول) · 13-01-09, 07:09 AM

A.K.H
الاحنف
مشكورين على المرور

وننتظر الاعضاء الاخرين

**المغترب** · 13-01-09, 07:24 AM

السلام عليكم ورحمة الله وبركاته....
الغالي راعي الباترول ...
انا من عشاق الباترول ...
وافضل مراتب جربتها عليه مراتب الباترول السوبر سفاري ...
تركب عليه ميه بالميه ومريحه مره بس وخر عن الجلد والكهرب ...
ودورها بالقصيم ارخص من الرياض ....

(راعي الباترول) · 13-01-09, 08:09 AM

اخوي المغترب
المراتب حقت اي موديل وبكم ركبتها ولو عندك صوره للمراتب
ياليت تحطها لنا
ومشكور على الاجابه وما قصرت

عبدالرحمن الدرويش · 13-01-09, 09:42 AM

راعي الباترول .. هلا بك

وحياك الله بين اخوانك في منتديات الرحلات
بالنسبة للمراتب فالأفضل إنك تشوف مراتب السوبر سفاري من موديلات 93 إلى 97
بكذا تجددها وتاخذ الأفضـــل والتكلفة او الفارق يكون بسيط
ومسألة ترهيم كراسي نوع آخر أو سيارة أخرى فهذه متعبة ومكلفة جداً
نقره لعرض الصورة في صفحة مستقلة
وكان الله بعونك
أخوك.. أبو فهد

(راعي الباترول) · 13-01-09, 11:29 AM

ابو فهد
مشكور على المرور وما قصرت

اكليل الجبل · 13-01-09, 09:40 PM

شوف يالغالي انا اتوقع مراتب المكسيما الامامية تركب الاني اذكر اخوي مغير مراتب الددسن الامامية بمراتب مكسيما من التشليح وقال لنا راعي التشليح انها تركب على الباترول .. عاد انت شيل روحك ودز على التشليح وجرب منت بخسران ,....

(راعي الباترول) · 13-01-09, 11:21 PM

اكليل الجبل
مشكور على المرور وانشالله تركب حق المكسيما على الباترول

**عبدالكريم اليوسف** · 14-01-09, 11:29 AM

الغالي
لا تبعد عن قول المغترب
صراحه انه حكيم في كل شي

اخوك

(راعي الباترول) · 15-01-09, 06:52 AM

مشكورين يا شباب
الله يعطيكم العافيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري