ماشاء الله عليك يابوفهد وعلى رحلتكم الجميلة الموفقة
ابداع وتكميل في الصور والشرح المصاحب لها
وانت ماشاء الله صورت سوبر ماركت الرحيلي اللي في طريق المدينة
وان شاء الله تشاهد سوبر ماركت الرحيلي اللي في طريق مكة في موضوعي القادم :d
ننتظر بقية سرد وصور الرحلة

تحياتي

الله والنبي محييك يابو أشرف، زدتنا شرفا بتواجدك الامحدود في موضوعي هذا، ومشتاقين نشوف موضوعك القادم عن سوبرماركت الرحيلي، الليله أعذروني يالجميع من تكملة باقي الرحله، ان شاء الرحمن غدا سوف اكملها وهي آخر جزء، شاكرا ومقدرا مروركم مرة أخرى.

أبو سديم:

هلا بطلتك البهيه،مرورك وسع صدري، وشرح خاطري، نعم ما خليت الكثير كود اني نسيت، هذي طلعه نموذجيه مسوين لها ترتيب وشغل تعبان عليه، عسى ان تكون كذلك، الليله أكمل الباقي عساكم تسلمون.

حيا الله السمي اي والله

اشكرك على التقرير الرائع وفقك الله وعندي ملاحظة بسيطة

البايكه بصراحه مشوهه منظر العمارة رغم اني اشجع الصناعه الوطنية بس ماتكون بهالشكل

بصراحه ضحكت علينا العماله من هنود وبنقاله

http://www.alrahlat.com/vb/uploaded/227_1189180658.jpg

MEHRAS

أهلا وحياك الله، شرفتنا في المنتدى، اشكر لك مرورك الطيب وعلى ملاحظتك، والعماله الينقاليه فعلا يستهبلون الواحد اذا ماأخذ باله منهم، والواقع البايكه انا اللي سويتها على عجل للسياره الجديده، والبنقالي فقط كان يساعدني في تقريب الأغراض، وان شاء الله اذا تيسرت ألأمور نصلح وحده أزين منها.
تقبل تحياتي.

بصراحه
طلعه جميله
وشرح مشوق
يعطيك العافيه

شكرا لك يابو جود على هذه المشاركه، ولا تروح بعيد باقى آخر جزء من الرحله!!!!!!!!!!.

عجل علينا ترانا متشوقين للجزء الاخير

السلام عليكم ورحمة الله،
كيف أجواء رمضان معاكم يالربع، اكيد ما مثلها شىء، خير وبركه الله يديمها، روحانيه وجمرة القيظ تروح شوي شوي وتساهيل من الله، الله ييسر الأمور في هذا الشهر الكريم، والكثير من أمور المسلمين تحل في هذا الشهر ما هناك شى يعكر الخاطر، ليت السنه كلها رمضان، اللي رايح عمره وعنده وقت يسير علينا على دلة قهوه ناخذ علومه وياخذ علومنا وعمره مقبوله.
الليله نبي نودعكم مع أخر كم صوره من رحلتي النموذجيه الى البحر، ايه البحر، البر عندنا شوب ما ينقعد فيه حتى بعد شهر من الآن، انا اعرف ان الكثير منكم أهل بر واستعدادكم بعد أزين، ولاتحسبون يوم أقول رحله نموذجيه يعني اني أنا الأحسن، لا انا قصدي ان هذي الطلعه بالنسبه لي شخصيا نموذجيه لأني حاولت ان أخذ معي كل مايلزم ويحتاج للطلعه، وعلى حسب قائمة أبو علي اللي تعرفونها، وتراها والله زينه، كل الطلبات موجوده فيها واذا مشيت عليها ما يفوت عليك شى ان شاء الله.
أرجو منكم جميعا ابداء اقتراحاتكم حول هذه القائمه وهل انتم تستعملوها في تحضير أغراض البر أم يكون الأعتماد على الذاكره فقط.

بعد ما تغدينا كان الوقت تعدى العصر قليل، صلينا وبعدين حطينا المفارش في ظل الونيت لأنه أعرض من ظل خيمتنا الصغيره وعلشان نحصل مكان نسند ظهورنا عليه، شباب طبعا، حطيت المفواح على باقي الجمر وكان لايزال باقى منه كميه، لقمت االقهوه في مادري وايش تسمونه الكفكيره أو لأبريق، وبعد ما احتر الماء صبيناه في ابريق القهوه، وخليناه يفور على نار هادئه،

كثر يابوفهد من هالطلعات والتقرير الرائع والمفصل تفصيل لذيذ

آآآه ه ه أقصد تقرير مفصل ويوسع الصدر .

ودي أشوف بعض ناس وهم يسبحون بالبحر :eek: :D مهب خشم الحصان أبد .

مهراس رحله جميله ومتعوب عليها بالتحضير من اغراض ومواعين وكل متطلبات الرحله وشغل قوه ومخطط له بشكل سليم .
لكن ....:confused:






















مرقه بغظاره .....................................
لازم نعيد النظر بعزبتك ;)


مهراس بيض الله وجهك وجعلك ذخر لمنتدى الرحلات يابوفهد
لاعدمتك يالغالي:)
محمد بن سيف
تحياتي
عليم العطش