[ثامرالماضي]

(( فن الصقاره "مـات" يحتـاج تشييـع ))

7

7

فن الصقاره "مات" يحتاج تشييع=مات بغدر !! هِلّو عليه العباري
ناسـ(ن) تعلّف طيرها بالجرابيع=وناسـ(ن) تعلّفها صدور الحباري
صار القنص مشروع ضمن المشاريع=يومه دخل مابين بايع وشاري
بالبر ناسـ(ن) تسبْر الخرب وتبيع=أوافقتها ناس تدفع مصاري
والبر لاجيته "شبوك" ومرابيع=ضقتي علينا يافجوج الصحاري
واليوم قلّ الصيد مافيه تشجيع=غير الوناسه بالحمام الخضاري
وأحاول اجنب كثير المواضيع=حيث إنها بالقلب مثل الشباري

ثامرالماضي (أبوشعلان)

.

.