رئيسية المنتدى

ادعم الرحلات في الفيس بوك

الرحلات على تويتر

 
العودة   منتديات الرحلات > المنتديات العامة والتراث > الشعر والتراث والألغاز

إضافة رد
 
 
أدوات الموضوع إبحث في الموضوع انواع عرض الموضوع
قديم 03-08-11, 01:17 PM   #1
ثامرالماضي
 
افتراضي إلى أبو فهد العيد ...... لك مع وفير الشكر كل إحترامي

هذي قصيدة أبو فهد العيد على هذا الرابط
http://www.alrahlat.com/vb/showthread.php?t=19335

صح لسانك يابو فهد وبيض الله وجهك


@
@
@


وهذي ردي المتواضع أتمنى أن يحوز على رضا الجميع

نقره لعرض الصورة في صفحة مستقلة



يامـرحـبـا عـــدّ الـجــراد الـتـهـامـي
.................................لـقـبـل تـقــل غـيــمٍ يـــدكّ المـيـاديـن
وعــداد ماهـلّـت حـقــوق الغـمـامـي
.................................من ماطرٍ يضفي على الارض وتلين
وحـي البيـوت اللـي لفـن بإنتظـامـي
.................................واللي يحوزنّه علـى الـراس والعيـن
يـابــو فـهــد يـامـرحـبـا يالـشـمـامـي
.................................يالشـاعـر الصـقـار نـسـل الميـامـيـن
الـبــر طـــبٍ لـلـقـلـوب الـظـوامــي
.................................اللي على شـفّ الهـوى كـان توحيـن
ويازين نقل الطيـر عقـب الصرامـي
.................................وعقب الحراره صار نسناسهـا زيـن
نـاخـذ لـنـا مـثـل الشـهـر بالتـمـامـي
.................................ويـبـدا يـذكـّـر طـرحـهـا بـالـدواويـن
وكلـن عـلـى النـيّـه يـشـد الحـزامـي
.................................شيّـك علـى العزبـه وركــب بوالـيـن
ونسري على اللـي ماعليهـن كلامـي
..................................شهـب الجـيـوب مقـرّبـات البعيـديـن
والصـبـح كـلـن قـانــصٍ باهتـمـامـي
..................................وكلـن دعـا ربــه عـلـى فـالـه يعـيـن
والـجـو راكــد مــا غـشـاه الكتـامـي
.................................لاهــوب لاحــرن ولا بــاردن شـيـن
ويـازيـن جرّتـهـا تـحـوس وتحـامـي
..................................ماهـي بعـيـده عـدّهـا عـنـدك الحـيـن
تجـيـك نفـاضـه ورعـشـة عـظـامـي
...................................ويصبـح يميـن يسـار ويسـارك يميـن
والطيـر جـاهـز بالشـلـو والحمـامـي
....................................وأمس العشا ماذاق لـه غيـر رجليـن
فـي برقعـه مثـل العمـى مــا يـلامـي
....................................كـنـه يلـعـن بـرقـع الـــراس تلـعـيـن
وله في صراع الزرق عـدّة عوامـي
....................................عقب الجرير وقبله أكثـر مـن سنيـن
وفرّعـت للـنـادر عـريـض المقـامـي
...................................ثم مدّ عنقه وأصلـب الـراس والعيـن
وعقّـد وتـل السـبـق طـيـر العـدامـي
....................................وقضب طمان القـاع والوجهـه يميـن
من سرعته ماتشوف غيـر الجهامـي
....................................يـاعــل يـفـدنّـه فــــروخ الشـيـاهـيـن
كـن بينـه وبيـن الدجـاجـه خصـامـي
.....................................وإليا ضرب ضربـه يخـلّ الموازيـن
وجيته وشفت الريـش والكـف دامـي
.....................................وصيـدتـه تحـتـه تـــرف الجنـاحـيـن
هـذي طــراة العـمـر غـايـة مـرامـي
.....................................لـو كـان فيـهـا لاحــقٍ دَيـنـي الـدَيـن
وإسـلـم وسـلّــم وإسـتـلـم يالفـهـامـي
.....................................واللـي يـكّـن الـصـدر بــان بعنـاويـن
ولك مع وفير الشكـر كـل إحترامـي
.....................................يامرحـبـا يامـسـهـلا فـيــك وأهـلـيـن
وصلـو علـى محمـد عليـه السلامـي
.....................................عـدد نجـوم اللـيـل والـنـاس ممسـيـن


أخوك / ثامرالماضي







التوقيع
نقره لعرض الصورة في صفحة مستقلة

التعديل الأخير تم بواسطة ثامرالماضي ; 04-08-11 الساعة 02:06 AM
  رد مع اقتباس
قديم 03-08-11, 10:00 PM   #2
أبوخالد التويجري
 
افتراضي

صح لسانك واعتلى شانك ولاهنت يابونجد

وانا اشهد انك كفو وكفيت ووفيت وابوفهد يستاهل الجزاله

جيت بقتبس ماقدرت كلهن وافيات بس الأكيد لي عودة وعودة على بحر الخيال في هالأبيات








التوقيع
يا حـي ردة الهــدد لـي بالسـلامة
ياكود طرفة عين والعز عني يضيع

لو هو نيسان مالحقني فيه ملامه
كومة حديد و الرجـال لسوقه تبيع

نقره لعرض الصورة في صفحة مستقلة
  رد مع اقتباس
قديم 04-08-11, 01:08 AM   #3
حامد الغامدي
 

 رقم العضوية : 227
 تاريخ التسجيل : 29 - 1 - 2007
 المكان : جده
 المشاركات : 3,243
 الحالة : حامد الغامدي غير متواجد حالياً


من مواضيعي
» رحلتي الى الشعرا مع أبو أشرف
» الفطور الأخير
» يابوي
» كابلي في الهدا
» زمان أول

افتراضي

قصيده جميله يابو شعلان، قصة رحله قنص وصيد صغتها في هذه الأبيات، صح لسانك.







التوقيع
((((((((((((((((((((((((((((((((( ))))))))))))))))))))))))))))))))))


نقره لعرض الصورة في صفحة مستقلة



((((((((((((( )))))))))))))))
  رد مع اقتباس
قديم 04-08-11, 02:37 PM   #4
عبدالحميد الحربي
 

 رقم العضوية : 1555
 تاريخ التسجيل : 31 - 12 - 2007
 المكان : مدينة رابغ
 المشاركات : 5,258
 الحالة : عبدالحميد الحربي غير متواجد حالياً


من مواضيعي
» جولة على وادي الفرع
» رحلة خفيفة إلى وادي الفرع
» محاولة تصوير للقمر
» فيضان قرية مستورة
» كل عام انتم إلى الله أقرب

افتراضي

اقتباس:
تجـيـك نفـاضـه ورعـشـة عـظـامـي
...................................ويصبـح يميـن يسـار ويسـارك يميـن

صح لسانك ياثامر الماضي

وصف أكثر رائع ،، وخيال يسرح بك في داخل القصيده وكأنك تلامس حال قائلها

أبدعت يا أبو نجد ،، وأبو فهد يستاهل

لاهنت







التوقيع
أشري وناسة خاطري من حلالي ,,, ولاحد يحاسبني على النقص والزود




نقره لعرض الصورة في صفحة مستقلة
  رد مع اقتباس
قديم 05-08-11, 02:38 AM   #5
ثامرالماضي
 
افتراضي

اقتباس:
المشاركة الأصلية كتبت بواسطة أبوخالد التويجري مشاهدة المشاركة
صح لسانك واعتلى شانك ولاهنت يابونجد

وانا اشهد انك كفو وكفيت ووفيت وابوفهد يستاهل الجزاله

جيت بقتبس ماقدرت كلهن وافيات بس الأكيد لي عودة وعودة على بحر الخيال في هالأبيات

ياهلا يابو خالد

صح بدنك يابعدي

وبيض الله وجهك على هالاعجاب

لاهنت

,,,,,,,,,,,,,,,, تحياتي ,,,,,,,,,,,,,,,,,







التوقيع
نقره لعرض الصورة في صفحة مستقلة
  رد مع اقتباس
قديم 05-08-11, 03:07 AM   #6
أبو فهد العيد
 
افتراضي

أنا أشهد إنك بردت تسبدي يابو شعلان
صح لسانك يابو شعلان ,,
بيض الله وجهك وماقصرت ,,
قريت قصيدتك وعندي إني قنصت ,, وصف رائع عشت معه لاعدمتك..
وشرفني ردك على أبياتي يابعدي ..
لاهنت ولا شنت يالنشمي ..
,,
الله يرزقك الصيد الي ينومسك وينومس طيرك وتهد أول الوقت..والله انك تستاهل يابو شعلان..







التوقيع
نقره لعرض الصورة في صفحة مستقلة
  رد مع اقتباس
قديم 05-08-11, 03:34 AM   #7
عبدالكريم اليوسف
 
افتراضي

الله عليك يالامير
وصح لسانك ولسان ابو فهد

صوت وصداء ولا اروع

لاعدمناكم








التوقيع
نقره لعرض الصورة في صفحة مستقلة
  رد مع اقتباس
قديم 05-08-11, 01:52 PM   #8
محمد المعارك
 

 رقم العضوية : 2
 تاريخ التسجيل : 21 - 1 - 2007
 المكان : السعودية - القصيم
 المشاركات : 9,310
 الحالة : محمد المعارك غير متواجد حالياً


من مواضيعي
» نرحب بكم مرة أخرى مع عودة المنتدى
» تهنئة بعيد الفطر المبارك 1437هـ
» غامرة بعد عالية ..
» "سابغة" اسماَ للحالة المطرية الخامسة لهذا الموسم 2015-2016م
» نقوش ورسومات عين علياء

افتراضي

صح لسانك يابو شعلان
مبدع ودقيق في الوصف.
وابو فهد يستاهل
بارك الله فيك.








  رد مع اقتباس
قديم 06-08-11, 02:27 AM   #9
ثامرالماضي
 
افتراضي

اقتباس:
المشاركة الأصلية كتبت بواسطة حامد الغامدي مشاهدة المشاركة
قصيده جميله يابو شعلان، قصة رحله قنص وصيد صغتها في هذه الأبيات، صح لسانك.

هلا وغلا يابو فهد

صح بدنك .. وسرني مرورك وتعليقك

لاهنت

,,,,,,,,,,,,,,,, تحياتي ,,,,,,,,,,,,,,,







التوقيع
نقره لعرض الصورة في صفحة مستقلة
  رد مع اقتباس
قديم 07-08-11, 10:29 PM   #10
ثامرالماضي
 
افتراضي

اقتباس:
المشاركة الأصلية كتبت بواسطة عبدالحميد الحربي مشاهدة المشاركة


صح لسانك ياثامر الماضي

وصف أكثر رائع ،، وخيال يسرح بك في داخل القصيده وكأنك تلامس حال قائلها

أبدعت يا أبو نجد ،، وأبو فهد يستاهل


لاهنت
ياهلا يابو فهد ..

صح بدنك وشاكر لك إعجابك يابعدي

لاهنت

,,,,,,,,,,,,, تحياتي ,,,,,,,,,,,,,







التوقيع
نقره لعرض الصورة في صفحة مستقلة
  رد مع اقتباس
قديم 18-08-11, 03:50 AM   #11
ثامرالماضي
 
افتراضي

اقتباس:
المشاركة الأصلية كتبت بواسطة أبو فهد العيد مشاهدة المشاركة
أنا أشهد إنك بردت تسبدي يابو شعلان

صح لسانك يابو شعلان ,,
بيض الله وجهك وماقصرت ,,
قريت قصيدتك وعندي إني قنصت ,, وصف رائع عشت معه لاعدمتك..
وشرفني ردك على أبياتي يابعدي ..
لاهنت ولا شنت يالنشمي ..
,,

الله يرزقك الصيد الي ينومسك وينومس طيرك وتهد أول الوقت..والله انك تستاهل يابو شعلان..
ياهلا والله وغلا يابو فهد

صح بدنك يابعدي .. والشرف لي بهالرد المتواضع ...


وشاكر لك هالكلام الطيب

والله يتقبل مادعيت نقره لعرض الصورة في صفحة مستقلة والله يرزق الجميع يارب

لاهنت وبيض الله وجهك

,,,,,,,,,,,,,, تحياتي ,,,,,,,,,,,,,,







التوقيع
نقره لعرض الصورة في صفحة مستقلة
  رد مع اقتباس
قديم 03-09-11, 02:26 AM   #12
ثامرالماضي
 
افتراضي

اقتباس:
المشاركة الأصلية كتبت بواسطة عبدالكريم اليوسف مشاهدة المشاركة
الله عليك يالامير
وصح لسانك ولسان ابو فهد

صوت وصداء ولا اروع

لاعدمناكم

هلابك يابو محمد

صح بدنك يابعدي


لاهنت على شطفك للموضوع

وأسعدني تواجدك

,,,,,,,,,,,,,,,,,,,, تحياتي ,,,,,,,,,,,,,,,,,,,,







التوقيع
نقره لعرض الصورة في صفحة مستقلة
  رد مع اقتباس
قديم 03-09-11, 02:27 AM   #13
ثامرالماضي
 
افتراضي

اقتباس:
المشاركة الأصلية كتبت بواسطة محمد المعارك مشاهدة المشاركة
صح لسانك يابو شعلان
مبدع ودقيق في الوصف.
وابو فهد يستاهل
بارك الله فيك.
هلا وغلا يابو أحمد

صح بدنك يابعدي

لاهنت وأسعدني مرورك

,,,,,,,,,,,,,, تحياتي ,,,,,,,,,,,,,,,







التوقيع
نقره لعرض الصورة في صفحة مستقلة
  رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:00 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
 
هلا ديزاين