[حامد الغامدي]

صقر:
شكرا على تنويرك الموضوع يابو أحمد وردك الطيب، كم تمنيت المرور عليكم في بريده لو اني لحالي، وعد لكم زياره في استراحتك العامره،
انا أمشي بالونيت 110 كم بالساعه، وأحيان اذا الهوا شمالي 120-130(سفينه شراعيه ههههه)، والمشاكل الفنيه لا تذكر ولله الحمد معظم القطع أصليه والتشييك على السياره حسب جدول زمني في دليل المالك.
راعي كيف:
الله يجزاك خير على دعاءك، أشكر لك التكلف بالرد والتشريف، والله يجمعنا وياكم على مرضاته.
أبو عبد العزيز:
هلا براعي شقرا، الله يطول بعمرك، اسمح لنا المره هذي، وان شاء الله نراكم اذا مرينا شقرا ويشرفني ذلك ايما شرف شرط بدون تكاليف أعط النفس هواها مثل ما يقولون، الله يحييك شكرا على هذه الأريحيه من شخصك الكريم.
كان:
الشكر لك على ردك وتشريفك الموضوع، هذا كرم منك وتقدير لنا يامال العافيه.
عليم العطش:
حياك يابو سيف، والله انك على بالي وكان في خاطري أمرك لو كنت لوحدى، رؤياك تسرني وتسعدني غالي وعزيز علينا انت واللي يعز عليك. شكرا لك على التنويه بالشباب اصحاب الميول للسيارات القديمه، والله يجمعنا وياكم قريب.
ريع الدياب:
أهلا بالغالي أبو اسماعيل، اسعدني تواجدك المبكر وردك الحلو، أم رقيبه تجمع سنوي كل سنه يتجدد ومناسبه طيبه لرؤية الأصدقاء والأصحاب من كل مكان، السنه هذي كان الجو دافىء والمربعانيه في أولها، ياليت يصير تنسيق السنه الجايه ونسوي طلعه محترمه ونشوف العمده.
أبو شعلان:
ياألف مرحبا بابو شعلان، تحيه مني لك على هذا الرد المكلف، والحضور المتميز لا هنت يامال الغناة.
قناص الحبارى:
شكرا لك على المواصله الطيبه لا عدمناك يابو عبد العزيز.
سيد النشاما:
الله يسمع منك ويخليك لعين ترجيك، هلا بك واسعدنا رضاك عن الموضوع.