رحلة مع الوسمي وهماااااااااال السحايب ،،،،، من كل مزن ٍ قطرة ،،،،، :)
للذكرى ،،، للعشاق ،،، لأهل الولع والطير ،، عندما تتطاول أعناقهم نحو الجنوب الشرقي لمشاهدة بزوغ محبوب الجميع ،، والمبشر الأول على رحيل اللوآهيب ،، وقدوم النسمات العذية والمزون الرعدية ،، لعشاق بزوغ النجم المحبب ،، سهيل اليماني ،، حيث تتنفس صحرائنا هبوب الصبا ، وتستبشر بالوسمي وهماااال السحايب ،،، فتهتز طربا سهالها وجبالها ،، لشتائها وربيعها،،، وسمنها وسمينها ،، وبقلها وبقيلاتها
(ذكرى) """ تحكي أحداث ممتعة نسعد بها جميعا ونتطلع إلى معانقتها من جديد في هذا الوسمي بمشيئة الله تعالى ونحن وأنتم بصحة وعافية
حمل العزبة وخل النوم يقعد = وأركب الددسن مدام الجيب غالي
لا تهقوى بالهقاوي ثم تقعد = يمرضك شوف الشوارع والزحامي
دوس خشم القرش لا تقعد تعدد = وانبسط يوم الونس جاله مجالي
أبك شوف العشب بالصمان يسعد = ينسيك ساهر ومشوار الدوامي
وزول أبو تركي على السيزو يبدّد = كل همن ساطي ن يبرا بحالي
في فياض ن ماتبا إلا إنك تمدد = فوق عشب ن غاطيك لين الحزامي
مع خوي ن عن خويه ماتلدد = زاد طيب العشب من طيبه جمالي
فوح عطره منّها أنفاسي تجدد= وشوفها يجلى عن العين العسامي
الندى ميّل زهرها في تودد = للغصون المايسه بأحلى دلالي
في تشاكيل ن عليها الماء تحدّد = رسمة ن خجلا بها عكس الغمامي
تطرب اللي لاذكر قام يتنهد = ماضي الصمان وديار الشمالي
وكم عليل ن في هوى خله توجد = لاسمع في جالها نوح الحمامي
الأحداث البرية الممتعة لربيع صفر وأمطار ذو الحجة لعام 1430 هـ حيث نتفائل بأن يكون قلب الحدث
(_الوسمي_)
o
o
ماحلا السجة مع البر الوسيعي =يوم كل ن بالبلد ضم الوسادة
بين لينه والحجر همي يضيعي=وأكتم الشيطان في حفظ العبادة
والخوي هو راسي مالي مانطيعي= الوشاة اللي على الخوة قرادة
رحلة مع الوسمي وهماااااااااال السحايب ،،،،، من كل مزن ٍ قطرة ،،،،، :)
ترحب بكم في
العرض العادي
