أول شيء..أنظر للطير أو بالأحرى لحجم الطير وإيش الزريق اللي يناسبه((شرياص أو شبوط مثلا تفك له حمامه؟)) في هذه الحاله غلطان ولا هو هاد إذا ما هج..!!
ثانيا:شوف موقع الطير هو في جبل هو في سهل هو أسفل وادي هو قاطع أو معرض..
إذا كان بجبل مالك غنى عن الشبكه الأرضيه وإن كان في سهل فك له حمامه أو سمانه بمهمل((ثقاله)) ورح عنه بعيد ودربل والله يطرحه..
وإن كان في وادي فالمناشبيه زينه أو الشبكه الأرضيه....
والتعب والمشقه إذا كان قاطع وهنا لك ثلاث حالات..
1- تتبعه بالموتر ثم تعارضه مثلا إتجاه الطير غرب خل إتجاهك أمامه شمل أو جنوب وأرم له زريق بمهمل.
إذا ما نزل؟؟ تعمل بالخطه ((ب))..وهي..فك له الزريق طلق من غير ثقاله وإذا علق الزريق برجله وشفت الزريق يلدح فك الطراد عليه((والطراد طير مدرب على مضاربه الطيور على علفها وله تدريب خاص سأتحدث عنه فيما بعد إنشاء الله))..
ما معك طراد أطلع على الأيكم واطلب الفزعه من أقرب جهاز..
إذا طرح ربك الطير مهده ورشه ماء وطق المكيف للأخير وافتح المزاد وبيع من يومها فالأولات الروابح ولا يصر فيكم ما صار في خويكم..
أما إذا لقيت الطير مسيان عشه ..واتبعه إلى ممساه عند طيحت الشمس والله الله بالرجال اللي يعرف يخدج ويده قويه..
اللي صار في خويكم..طرحت فرخ شياهين 15.5*15.5وقام المزاود بعد المغرب ووصل الطير 33ألف خليته لليوم الثاني وبعته25ألف..رزق ومقسوم أما الطراد فكتبت له موضوع خااااااااص..مروه
طير وحش على كيسه ..كيف تطرحه؟
... ويدل على خبره ... 
العرض العادي
