الى كل صقار ,, وين انت فيهم ؟

[راعي ساموده]

السلام عليكم ورحمة الله وبركاته ,,

يقول الشاعر - سمير الهرشاني :

اليوم قل الصيد من كل الاوطان=زود على قل الطيور غلاها
اخر زمان ناقل الطير تعبان=يبحث عن خفايا صيدة مالقاها

وقال الشاعر- مرشد البذال يخاطب فيها الشيخ دعيج :

يابوخليفه خل عنك الجماهير=درب الصقاره والقنص سد بابه
يادعيج مابالبر كود الخواضير=هن وام سالم قوعهن قطيعه

والثانيه للشاعر سمير الهرشاني يقول فيها:

يازين هد الطير في وسط غابه=اما طلوع الشمس ولا الطفيليل
ان شافله جول تدراج عثابه=جايع وشفقان على شوفهن حيل

قلنا يمكن يكون احد زعلان مالقى صيد ولا شي نقول ترى الحال من بعضه اغلب الصقاقير مجمعين عليه , لكن نرجع ونقول السهل ماله طعم لو كل من نقل طير صاد.

[حمد الجبيرى]

ان شافله جول تدراج عثابـه --جايع وشفقان على شوفهن حيل
صح السانك والله يغفرلك ووللميت منهم ويسلم الحي كلام واقعي

[راعي ساموده]

المشاركة الأصلية كتبت بواسطة جلمود الجبيرى

ان شافله جول تدراج عثابـه --جايع وشفقان على شوفهن حيل


صح السانك والله يغفرلك ووللميت منهم ويسلم الحي كلام واقعي

تسلم اخوي جلمود

[جمعان الخثيمي]

الصيد واجد ولكن وين الهمه..يوم الجمعة الكل يصيح ما فيه كراوين..قلت لا زم اشوف لي لو كروان..طبعا الجميع عزاني في أم الكراوين ولا بقي غير سمحة((سوجن أم روحين أمريكيه))..

ومن قشع لقشع ومن عشر لعشر ومن حرة لحرة ومن حزم لحزم..أقص الجرة واسميها..

والحمد لله عينت 13 كروان...


فالهمه الهمه..

تحياتي

[ثامرالماضي]

راعي ساموده ...

هاللي يشكون قلّ الصيد وغلا الطيور ... قبل حوالي الــ 20 سنه ... وشلون حالنا اليوم ...

الله يجيب الخير إن شاءالله ... والمطر يجيب معه كل خير بإذن الله ...

والله يرزقنا وإياكم يارب


لاهنت يابعدي

,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,

[عصا الترحال]

لم تظهر عندي القصيدة مع الأسف