لا لعزبة ابوفراس... نجحوا او مانجحوا وش تتوقعون

[ذيب العرمه]

مزااااين عزب الدهو15 رمضان

ابشركم جاكم الفرج وبتشوفون مزااااااااين العزب لابو فراس راعي الاوله بالعزب لكنه مظلوم اعلاميا لكنه يحسب خطواته بركاده.

والقارمن ابو الاعلام .لكن مع الهاله الاعلاميه الي تصاحبه يخوف وما يمنع ان القارمن يعترف بااقدميه ابو فراس بالعزب والمكاشيت

انا حقيقه ماقابلتهم ولا شفت عزبهم لكن ابتشرف واشوفهم وعزبهم اليوم واحكم اذا رجعت

[تميم]

اخيراااااااااااااااااااااااااااااااااااااااااااااا ااااا
شفت بل تشرفت بشوفة عزبة ابو فراس
صحيح ان الوقت ليلا ولكن العزبة بسم الله ماشاء الله ضخمة جدا(ملاحظة تراي شفت العزب من برا يعني اللي جوا مدري عنه)
عقبال ماشوف عزبتك يابو فراس مفلولة من اكبر قدر الى اصغر ملعقة

[شايب الصمان]

ياالله يأهل العزب الصيف قرب يجينا وحنا ماشفنا عزبكم

[عصا الترحال]

ليش ما تشركونا معكم في الحكم ويكون تصويت
يعني كل واحد يصور عزبته قطعة قطعة ويضعها هنا
ويتم التصويت كذا نعرف العزب ونستفيد من الخبرة
وتكون مرجع لكل من أراد تأسيس عزبة
أشوف الصفحات وصلت إلى سبعة
بارك الله فيكم جميعا

[متعب معاميله]

السلام عليكم ورحمة الله وبركاته
مساكم الله بالخير
ولو اني مثل بعض الاخوان ما شفت شي لكن ودي ادلي بدلوي معهم

لاصار كل ٍ على ما قيل يختار حزبه = ماني من اللي يصفق اخماس باسداس
إحرص على صاحبك والطيب فز به = لو ما تلاقيه الا بدله تقعد الراس
ودام النقاش الحين من شان عزبه = فانا بدون نقاش صوتي لبو فراس

يمكن تعجب ابوفراس ويقول إملأوا موتره عزبه على وزن إملأوا فمه ذهبا

[ابو فراس]

وعليكم السلام ورحمة الله وبركاته

صح لسانك ياللي متعب معاميله ومساك الله بالخير

ياحاجب (شايب الصمان)اعطووووووه ما تمنى