بسم الله الرحمن الرحيم
إذا كان مالي خلق أدور مع العيال وأمهم إذا رحنا بنده أوغيرها من الأسواق الكبيره، تلقاني عند المواعين وأدوات الرحلات،،،،،،، هذا الأسبوع مريت على قسم الأباريق في بنده ولاحظت إبريق له ( أنتوا وش تقولوا على فم الأبريق مثعب، ثعبه والله اني نسيت) أبريق له راسين يا كاف البلا، شكله غريب، ولأنه صناعه تركيه تذكرت صديق لي تركي شربت عنده كاسة شاي مره يصب من براد ( إبريق) شاي ثقيل شويه في الكاسه ويغلق عليها من براد ثاني ماء حار، وفي النهايه هي كاسة شاي ليش اللف والدوران، على العموم شوفوا الصور وكل واحد يعطينا تعليق واللي شاف وجرب هذا الأبريق لا يبخل علينا كود نشتري واحد إذا هو يسوى.
الأبريق أبو راسين على الرف وعلى اليمين الصفايه وهذا الغطاء الصغير اللي مخروق من حدر محل ما يعبون الماء منه.
أخذت الأبريق وحطيته على طاوله يصير واضح لاحظوا اليد مبعوجه طبيعي.
مكان الصفايه اللي بالوسط يوضع بها أوراق الشاي ومحل ما يعبون الماء واضح أسفل
هذا الثقب الصغير يخرج منه الشاي الصافي ولا يختلط بالماء
عسى هذا يروق لك يابو علي!!!!!!!!!!!، على خبري تدور على الأباريق وأنواعها، تقبلوا وافر التقدير.
للغالي جلمود: إبريق تركي
العرض الشجري
