السلام عليكم ورحمة الله و بركاته بعد نزول خيرات الله من امطار وبراد قررنا ان نقوم برحلة الى شمال وشرق القصيم لكي نعس الديار ونشوف اثار السيول على النفوذ والحمد لله على كل ش ي فقد كانت الامطار تقل كلما اتجهنا شمالا فقد وجدنا ان الثرا في النفوذ كان بين عشرين وخمسة وعشرين سنتيمترا وان شاء الله يتبع عليها كانت ا لبداية يوم الاربعاء 5/1/1433 هـ الساعة الحادي عشرة صباحا اتجهت واخي ابو نواف فقط وكما هي العادة كل واحد في سيارته على ان يلحق بنا الباقون بعد انتهاء دواماتهم
الصورة الاولى حين الخروج من عنيزة متجهين الى الدائري الشرقي لبريدة لكي نسلك طريق الاسياح
وبعدما وصلنا وقبل ان نأخذ راحة قام ابو نواف بالاحتطاب استعدادا لليلة باردة
ولابد من صورة للضو والعزبة العزيزة
الله يهديك يابو نواف كأننا نبي نبيع حطب على هالتكويم
ولابد من قدوع مع ا لقهوة ولكن هالمرة باللوز اللذيذ حبة ورا حبة خيمة المبيت الكبيرة لنفرين حتى ياخذ راحته عند لبس وخلع الملابس والله مدلع روحك يابو نواف (بس عساك مدلع بالبيت مثل كذا الله يعين ام نواف ) ما ورا ابو فراس الا الجوع يالربع ابو نواف يحتري الباقين حتى يشجعونه على الاكل والافتراس واللقطة المشهورة في الرحلات والبراري (الله يرحمك يا اخوي ا لعود) كنت دائما ارسلها له لكي اغيضه فيها لانه في الرياض وانا في عنيزة ولا يستطيع ان يكشت يوميا كما نفعل في عنيزة لقرب مواقع المكاشيت وبعدها عن الرياض تصوير في تصوير نبي نملا الموضوع صور يمكن في احد يحب هالصور
وصل اول الربع ابو عبدالرحمن وابو صقر كانت قصديرة الثوم جاهزة بإنتظارهم
يابو صقر البر والنفوذ ما يبي كشخات انجز غير ثيابك وعطنا روحك الطبخ عليك اليوم الدفعة الثانية من قصديرة الثوم متغبية خوفا من العض والافتراس بعد العشاء كالعادة اللي نام واللي سهر وليس فيها اي شيئ غريب بعد ان صلينا الفجر بدأت البطون بالكلام والبحث عن ما يدفيها وينك يالحنيني اكلة شعبية تدفي البطون وتحرك العقول وخاصة في هذي المقلاة العجيبة ياشين الانتظار وخاصة للا كل ووراهم تصفيرة
صورة قبل شروق الشمس فاضين ما عندنا شي ننتظر هالحنيني 1
2
3
انطلق ولا الومهم حنيني وصى عليه الحكيم وخاصة مع البردقان (البرتقال) خلصنا من الفطور ولابد من فنجال شاهي (المقصود بيالة شاهي) ولشدة البرد كان هذا البخار لقطة ثانية للفنجال والبخار وشروق الشمس لقطة ثالثة للفنجال والبخار
والله انك صليب راس يابو صقر وعنيد الى هالحين على كشخك صورة جت كذا بين الصور وأنتم أعطونا تعليق لها جاز لي هالسحاب الاحمر وصورته ان ما جاز لكم علموما نسوي حذف لها كسابقه المهم انهم جازن لي وان اشا الله يبن يجوزن لكم
يظهر لكم ان الارض رطبة من الندا والصقيع تحت شجرة الارطا ولازم توقيع على هالصقيع ولا اشوف اوفق من اسم عنيزة الحبيبة هاه بدت الشمس بالشروق حيا الله الدفا صورة بانورامية لموقعنا من قوقل شوفوا نظافة النفوذ وحسن منظره بعد شروق الشمس يبدو انه ليس سحابا بل برد يقص المسمار يعني اني يابو فراس ما دريت عنك انك تصور
اجل هالكشخو وشولو اقول لكم انه برد مهب سحاب
وبعد ان دفينا شوي زارنا هالزائر الحبيب ابو فيصل وكمل الرصة واستلم القيادة
ياه يامحلا حنيني الوالدة يابو فيصل بس لو زادت التمر شوي حتى يستانس ابو نواف انت جاي تذوقنا الحنيني او تبي ترينا الخاتم الجديد
والحمد لله انتهت الكشتة على خير و سلام ولا نحب ان نزعلكم بنهايتها سلامي للجميع
كشتة وغيوم وبرد قارص بين قبة وسامودة
العرض الشجري
