جــديـــد × جـديــد .. نادر ومهم وضروري لكل رحّال ... تقرير مصور مع ... راعي الهـــدد

[راعي الهدد]

بسم الله الرحمن الرحيم


هذا الكشاف من اعجب ما رأيت في عالم الكشافات

ميزاته لاتعد ولا تحصى

الأولى

يشحن عن طريق الولاعة مباشرة (( حقت التتن الله يحمانا وأياكم منه ))
فلا داعي لحمل محول معك ولا داعي لخساير البطاريات ولا داعي للكشاف سيء الأستخدام الي شحنه عن طريق الحركة

الثانية

إنارته قوية جداً (( بناءً على حجمه ووزنه الخفيف جداً ))

الثالثة

ممسكه جيد وطريقة مسكته رهييييبه حيل تقدر تقول ممتع (( ممتع صار سيارة هههه)) بس والله حقيقة

الرابعة

انه كهربان جيد وبس

ونوره زنون على قولتهم

الخامسة

شكلكم بتقولون ترآك طولتها يابو حمد

المهم أنه زين مرة ومناسب بكل ماتعني الكلمة جرب ولن تندم

وأليك الصوووور

الصورة الأولى

هذا هو مناطحك مد يدك وسلم عليه سلم يامال الشحم





الصورة الثانية

أنضر لحجمه المناسب فليس بصغير موذي ككشافات الميدليات ولا كبير يغث فهو مناسب لممسك اليد





الصورة الثالثة

شف قوة نوره ساطع في الجدار

وتنبيه يا أخوه

ترى له فترة وانا اضغط فيه واشغله وماغير تسدح وتبطح الا صوره منا الا منا احسن هههه كله لعشان نجيب لكم صورة حلووه وكان الضحية شحنه ضعف ولاشك ومع ذلك شف نوره يعتبر قوي






الصورة الرابعة

وجدته مكتوباً عليه هذا العنوان ولا اعلم ماذا يعني غير الموقع الي عليه




الصورة الخامسة

صورة من الأعلى تبين لك جميع أجزائه





الصورة السادسة

شف مشبك الشحن عن طريق الولاعة





وفي الأخير تقبلو محبتي وتقديري ولاتنسونني من دعائكم يا أخوة

أخوكم

ابو حمد

[رحال بريدة]

شــكراً أخي راعـــي الهـــــدد
على هــذه المشـــاركة الرائعــة
وعلى هذا التعريف بهــذا الكشــاف
ولكن يبقى ســؤآل أنك لم تذكر من أين إشـتريته
وهل يوجــد لدى محلات الســنيدي في بريــدة ؟؟
كل الود لك ,,

[النداوي]

الله يجزاك خير
واجمل ما فيه انه بدون اسلاك للشاحن

مشكور
أخوك ابو عبدالله

[ولد نجد]

يازينك ويازين مواضيعك يابوحمد
كل مرة ادخل اجد معلومة أو خبر طيب الله يطيب فالك ... لكن ما قلت لنا وين نحصله فيه
مشكور وبارك الله فيك

[راعي الهدد]

الأخوة الغالين ... رحال بريدة ... النداوي ... ولد نجد

اشكر لكم المرور والتعقيب

بس والله الى الآن ما ادري من وين يباع لأنه جايني هدية من واحد من الربع بس قالو لي ناس انه في السنيدي بالقصيم

ورحت للسنيدي أمس الخميس ولم اجده ممكن نفد او ان ناقل المعلومة غلطان

عموماً ودي اسأل الي اهدانيه بس مستحي منه يقول وش تبي بيجيك غيره بس باحاول اجيبها بطريقة أو اخرى ويجيكم العلم بأذن الله

شكراَ لكم جميعا احبائي

[راعي الهدد]

مكرر عذرا
مكرر عذرا

مكرر عذرا

[الليل]

تشكر أخي أبو حمد ..
وميزة أخرى الغطاء الأحمر والفليشر عند طلب النجدة .
الله لا يحيجنى لتلك الميزة .
فا الله خير حافظ .

[راعي الهدد]

الغالي والحبيب الليل

شاكر مرورك والله يحرم وجهك عن النار

والله لايحوجنا للنجدة ابد ابد ابد

[ثامرالماضي]

بسم الله الرحمن الرحيم

مشكور أخوي أبو حمد على عرض هالكشاف الزين ... دايم أشوفه لكن مالله أراد إني أشريه ...

هذا طال عمرك والقارين ... تلقونه بمحل (( البرية )) عند أبو يزيد بحي السلام ... شايفه قبل شهر .. والله العالم إن قيمته بــ35 ريال ...

لاهنت يابوحمد ... وبيض الله وجهك ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,

[راعي الهدد]

شاكر مرورك يابو شعلان

الله يغفر لك ووالديك

[المغترب]

أخوي أبو حمد
على الموضوع المفيد جدا
والمهم لجميع اخوانا الكشاته

[راعي الهدد]

المشاركة الأصلية كتبت بواسطة المغترب

أخوي أبو حمد
على الموضوع المفيد جدا
والمهم لجميع اخوانا الكشاته

شاكر لك المرور ياغالي

الله يغفر لك ووالديك

تقبل المحبة والتقدير من اخيك

[الكايف]

الله يعطيك العافيه صراحه حلووسهل الشحن والحمل
تقبل تحياتي

[راعي الهدد]

المشاركة الأصلية كتبت بواسطة الكايف

الله يعطيك العافيه صراحه حلووسهل الشحن والحمل
تقبل تحياتي

أخوي الغالي الكايف

اشكر لك المرور ومقدر لك ذلك

وكل ماقلته لنا جزاك الله خير موجود في هالكشاف

شكرا لك ياغالي

[كملم]

الف شكر ونريد المزيد