اقترح اخي ابو نواف بعد ان بدأ الجو بالاعتدال ان نقوم بكشتة ليلية بالغضا واقترحت عليه ان يكون العشاء شوي حتى نرتاح من الكبسات فوافق الربع كلهم عليه واقترح الحبيب ابو صقر ان تكون يوم الجمعة ليلة السبت لان السبت اجازة بمناسبة اليوم الوطني والحمد لله حضر الجميع حتى احبابنا من الشرقية شايب الصمان وابو عبدالرزاق وكالعادة كان العمدة اللي هو انا اول الحاضرين 1 وعلى فكرة ترا غيرنا المركي بعد بعض الانتقادات بان المركى السابق اصبح عتيقا
2 وغيرنا السيارة مؤقتا حتى شفاء الجيب العتيد مفخرة الارض اليابانية من الوعكة الصحية ولكن السوزو ادت الغرض بدرجة ممتازة
3 وثاني الواصلين هو اخي ابو نواف ومعه الاغراض من اللحم والشوي حسب الشروط المتفق عليها
4 والنكتة صارت على ابو صقر تأخر في الوصول وصار يدور علينا وهو مغير اليوكون وانا غيرت الجيب وما عرفنا لان الجيب العتيد لم يكن موجودا (وين اللي يقولون لا لعزبة ابو فراس ) افا يابو صقر ما انتبهت للجيب النيسان ولكن ما يصح الا الصحيح وهنا ينظر ويتطلع الى ابو نواف مع الكشاف الجديد (ياحبك يابو نواف للكشافات)
5 يالله يابو صقر غمض عيونك وش تتوقع شايب الصمان قاعدن على اي رجل للاسف كان توقعك غير صحيح لان شايب الصمان كان ركبة ونص على غير العادة ولكن الريجيم سوا فعايله ونحف ما شاء الله عليه
6 وتضحك او ما تضحك الحق راكبك راكبك يالربع حددوا الموعد للحق على ابو صقر
7 ابو عبدالله صحح معلومات ابو نواف بالجوال الجلكسي 3 وانت خبير ما شاء الله عليك فيها
8 والله عيب يابو ابراهيم مصور محترف وعندك كمرة احترافية وتصور بجوال ولكن نبي نرسل هالصورة لمنتديات شباب عنيزة ما علينا
9 بشر يابو ابراهيم عساه نجحت الطريقة وخل ابو عبدالله يشوف هي زينة الصورة او لا
10 وبدا ابو نواف بالشغل الزين شوي على جمر يحبه قلبك ( قصدي الشوي) اسف يابو عبدالله تخصصك برامج وليس فتح الميونيز والجبن
11 وهنا النتيجة فتاكة والخير واجد ولكن الربع شبعوا كثر الله خيرك يابو نواف عسى هذا طبعك وحنا من ربعك
12 ولكن لابد ان نختتم التقرير بمتصدر الجلسة ولو انه حضر متأخرا حبيبنا ابو فيصل
يابو فيصل في المرات القادمة ما راح نسمح لك بالتأخر والحمد لله استمرت كشتتنا وحتى الساعة الثانية فجرا على غير العادة ولكن الجو الرائع والسواليف الخاثرة انستنا النظر الى الساعات وسلامتكم وكل كشتة وانتم بخير والى كشتة قادمة ان شاء الله
رحلة خفيفة كاعضائها
العرض الشجري
