الـــــعـــــود الأزرق .... هل يصاحبك في مقناصك ..... تقرير مصور مع ... راعي الهـــدد

[راعي الهدد]

الكثير منا ينسى او يتناسى أمر مهم في رحلاته .. مقناصه .. مكشاته .. حتى سفره .. ينسى ...

العود الأزرق

العود الأزرق والبعض يسميه البخور كما قال ابن القيم رحمه الله قال (( والعود والبخور يثير النساء ))

وش رايكم شكلكم من بكره كلاً منكم متعلق في مدخن ههههه

خل المدخن في عزبتك وخل خريطة العود الأزرق الطيّب في مخباك او في سيارتك ولاتنساه وطيب اخوياك وربعك يامال الــشـــحــم

(( الخريطة تطلق على القرطاسة الي يلف بها العود ))

للحفاض على جودة العود لاتلفه الا في ورق قرطاس الأحمر المعروف أو الأبيض منه

والله انك ماتمل وانت تنشق العود الله يوم نجلس في الظهره في الجبال الصم ننتظر غروب القمر ونزوله من أجل البحث عن أم الآذان الطويله والمدخن يدور بينا وحنا نتقهوا ونصمد روسنا

ياسلالالالالالام سلّم

تكفون ترى العود يشرح الصدر

ويجعلك لو انك متظايق تكون سعيد

وتتفتح نفسك

وتزين السالفه

وتتذكر الماضي العريق وعادات أجدادك والتراث الي خطر عليه يروح

عموماً افظل الموجود حالياً والي يعتبر في متناول الجميع لامن ناحية السعر ولا من ناحية الجودة ولا من ناحية انه يجمل وجهك قدام الرجال

ومع ندرة العود الهندي حالياً بل يكاد أن يكون معدوم واذا وجد فسعره لايصدق

أرى ان العود الأندنوسي (( الصناعي )) من اطيب شي

البعض يستنكر قولت صناعي ترى صناعي معناه شي ماهو في بالك

وللمعلومية اول مانزل للسوق كان يباع الكيلو منه بــ 30 الف وش رايكم

ثم لجهل الناس نزل سعره والحمدلله انه نزل رب ضارة نافعة ولاشك

جرب قبل ماتعذرب وشف

واليك الصور تبرهن لك وش الكسر حقته ووشهي من لحيه

والله اني احط كسره والله تدور ثم تدور ثم تدور ثم تدور وتغرّق المكان طيب وريح ياسلام والله ولاريح عود هندي ولاتخلص باقيه(( تعتسب ))

وش رايكم لاتقولون مبالغ شف بعيونك اقول شف معي

1- الصورة الأولى هذا هو العود الأندنوسي درجة أولى
كسر طيبة ووافية والله تعجز تكسرها لو بالزرادية وش رايك كسرة مليانه حيل وثقيلة ولونها لون العود الطيب







2- وهذي الصورة الثانية تبين لك نفس العود الأندنوسي درجة أولى بس بتصوير فلاش






3- هذا العود الأندنوسي درجة ثالثة وهو ممتاز بس احسن منه درجة أولى ولاشك

لاحظ معي صغر حجم الكسرة تجي الكسرة الواحدة منه مقدار حبتين هيل من الهيل الطيب







4- الصورة الرابعة هذا المدخن والبعض يسميه (( مبخرة )) عموماً لاحظ في الصورة اني وضعت قصدير

تقول لي ليش اقول لك انه ضروري من اجل مايحرق الجمر خشب المدخن وتطلع ريحة الخشب تخرب عليك ريحة عودك الطيب






5- الصورة الخامسة هذا المدخن شامخ ينتظر القروووم شرواكم






6- الصورة السادسة هذا المدخن جاهز لوضع الكسرة قديماً كانو الشيبان الله يرحمهم يآخذون الجمر الي من طرف الظويه الي قدهو بادي عليها الرماد وهذا فيه حكمه وهي من أجل مايحرق كسرتك الجمر الحامي حيل ويطلع ريح حراق يخلون الكسرة على راحتها وتعطيك ريح رهييييييب يارهيييب للتوضيح تخيل أنك رميت الكسره في النار مباشرة هل تعطيك الريح المطلوب لا كذلك الجمر بس بالنسبه للعود هذا لازم جمر شوي قوي يعني لاتآخذ المرمده خذ شي حي ليش لأنه كسرّه قويه وتبي جمر او ترى زبادها والله يطفي جمرك






7- الصورة السابعة هذي كسرة العود تزبد خطر تنقلب من الزباد الي يطلع منها هههههه

والله يا أخوان ما ابالغ يطلع عود أزرق صدق تشوف عجتها تميل للزراق ماهو مثل بعض العود يميل للون البني وهذا من متطلبات تمييز العود الطيب






8 - وهذي الصورة الثامنة وتصوير عن قرب لمعشوقي العود الأزرق الله لايحرمنا منه يالله ياكريم والله يجعل مجالسنا عامرة به وبذكر الله

خـــــــــــــــــــاطـــــــــــــرة


الطيب اوصى عليه المصطفى صلى الله عليه وسلم وحرض عليه وأمر به قال صلى الله عليه وسلم (( حبب الي من دنياكم النساء والطيب وجعلة قرة عيني في الصلاة )) حديث صحيح

قالت عائشة رضي الله عنها في حديث الحج (( كأني انظر الى وبيص الطيب في مفرق رسول الله صلى الله عليه وسلم )) كناية عن كثرته وحبه له صلى الله عليه وسلم لأن الرجل لايجعل في رأسه الا مايحب ولذلك يقبل الرأس تكريماً لصاحبه

والأنفاق في الطيب لايعد من الأسراف ابدا مهما يكن


تــــــــــــــــــــــــــــــنــــــــــــــــــ بــــــــــــيه

يا أخوان ترى في السوق ثلاث درجات من هذا العود وأطيبها ماصورته لكم في اول صورة الدرجة الأولى

وسعره ترى زهيد جداً جداً فالله الله اشتر الي من الدرجة الأولى ولاتهمك الدراهم وخله مرافق لك في مقناصك ومكشاتك والله تحس براحة

انا اعرف ان الكثير منا لايترك العود لابد منه في المقناص بس من اجل التذكير فقط للي ناسي هالأمر متبت هذا الموضوع

تقبلوا محبة أخوكم

ابو حمد

والقادم >>>>>>>>>>> أشد وأنكى

[خليف العيد]

اخوي ابو حمد
الله يثيبك ويجزاك الف خير
موضوع جميل في الشرح والصور
الله يطيب فالك
ابوحمد الواحد منا وش يدور غير اثارة النساء بارك الله فيك
تحياتي
اخوك
ابوسامي

[راعي الهدد]

المشاركة الأصلية كتبت بواسطة باحث أثار

ابوحمد الواحد منا وش يدور غير اثارة النساء بارك الله فيك

هههههههههههههههههههههههههههههههه

ههههههههههههههههههههههههههه

ابو سامي والله ميت ضحك اي والله

الله يجزاك خير انت رجال صريح جدا

هههههههههههههههههههه

الله يشرح صدرك ياربي ههههه

والله ميت ضحك ردك يجيب سعة الصدر

اشكر لك مرورك وطيبتك واريحيتك وطيب قلبك الي ماتبقي فيه شي الا تقوله

يا أخوان تراني ماقلت شي ابوسامي هو الي قال انا بس نقلت كلام لبن القيم بس نقل

الله يحفظك يابو سامي

[أبوعبدالعزيز]

جزاك الله خير اخوي راعي الهدد بارك الله فيك والله الواحد يحتار ولا يبخص افضل العود وللاسف اكثر المحلات هدانا الله واياهم لا تجد الصدق والامانه عندهم وحتى في دهن العود جزاك الله خير على التوضيح وغفر الله لنا ولك

اما ابو سامي دوره في هالأثار والحريم

[راعي الهدد]

المشاركة الأصلية كتبت بواسطة برق تميم

جزاك الله خير اخوي راعي الهدد بارك الله فيك والله الواحد يحتار ولا يبخص افضل العود وللاسف اكثر المحلات هدانا الله واياهم لا تجد الصدق والامانه عندهم وحتى في دهن العود جزاك الله خير على التوضيح وغفر الله لنا ولك

اما ابو سامي دوره في هالأثار والحريم

هلا بك برق تميم وشاكر مرورك ومقدر لك ذلك

وبالفعل الغش في كل مكان فاحرص ونخوك وخلك ذيب دور النوع الطيب وعس الكسر وان شاء الله مايغشونك

اما ابو سامي فهو الله يهديه يحب هالعلوم الطيبه اقصد العلوم الي يقول عنها الله يهديه

[راعي الهدد]

هذي مشاركة لأحد الأخوان في نفس موضوعي هذا في أحد المنتديات ويعتبر الأخ ايضاً ناقل عن موقع آخر وللفائدة ولأن المشاركة هذي مهمة احببت طرحها لكم وهي من أخينا طالب الحور واليكم مشاركته الله يغفر له ووالديه

-----------------

أخي الغالي
راعي الهدد
أرجو أن تسمح لي أن أضيف هذه الصور لنبتة العود
وهذه الصور منقولة
من موضوع أظن أنه في الساحات
*****
هنا الخبير يتأكد من وجود مادة العود في جذع هذه الشجرة

بعد التأكد يقطعون الشجرة

شاهد العود والذي سحر العالم برائحته الزكية


هذا مشتل لشجرة العود

[ابوسديم]

طيب الله فالك اخوي ابو احمد على هذا الموضوع


الصورة الخامسة هذا المدخن شامخ ينتظر القروووم شرواكم



شرواك الطيب

[راعي الهدد]

الغالي ابو سديم شاكر مرورك

الله يجمعنا على الطيب ومع أهل الطيب ياكريم

تقبل محبتي وتقديري

[الليل]

اخي راعي الهدد .
تشكر على هذا الموضوع القيم .
لك مني كل تقدير .

[راعي الهدد]

المشاركة الأصلية كتبت بواسطة الليل

اخي راعي الهدد .
تشكر على هذا الموضوع القيم .
لك مني كل تقدير .

هلا بك ويامرحبا

واشكر لك المرور وتشريفك لنا ياغالي

[همال]

شكرا لك راعي الهدد على الموضوع المفيد والجميل ..

[النداوي]

أخوي راعي الهدد
والله انك عليك طلعات قمه
تصدق عاد انه مهم لصرت في رحلة طويلة
أقل شئ يكون معك لو غرشة عطر تكون في السيارة
على شان تغيير وتلطيف ريحة الجو
لكن وان حصل العود ترى ما في مثله

مشكور يا الغالي تقرير ممتاز

أخوك أبو عبدالله

[راعي الهدد]

المشاركة الأصلية كتبت بواسطة همال

شكرا لك راعي الهدد على الموضوع المفيد والجميل ..

شاكر لك المشاركة ياغالي

الله يغفر لك ووالديك آمين

[راعي الهدد]

المشاركة الأصلية كتبت بواسطة النداوي

أخوي راعي الهدد
والله انك عليك طلعات قمه
تصدق عاد انه مهم لصرت في رحلة طويلة
أقل شئ يكون معك لو غرشة عطر تكون في السيارة
على شان تغيير وتلطيف ريحة الجو
لكن وان حصل العود ترى ما في مثله

مشكور يا الغالي تقرير ممتاز

أخوك أبو عبدالله

هلا بك يابو عبدالله

صدقت العود مهم يكون معك ولا يفارقك تصدق ان معي كم كسرة ثنتين ثلاث في مخباي ماتفارقني

اما هاه والا هاه اتطيب بها وربعي

وتحصل العود في محلات العود المعروفة واحرص على درجة اولى من هذا

[دربي صعب]

الطيب لهل الطيب يابو حمد... والله ونعم فيك وعلى الموضوع الطيب وعادتك مايجي منك الا الطيب لا كن وين احصل الطيب الي مثل الصناعي اذا فيه محل تنصح فيه دلني عليه ,,, ومشكور