اقتباس:
المشاركة الأصلية كتبت بواسطة هزيم الرعد
الله يجزاك خير ياخوي ويبارك بك
اشكر لك هالجهد
ولكن اناقبل فترة قريت خبر بجريدة الرياض لدكتور يقول ان هالطريقة مهيب علمية ابد ولا فيه أي دليل على إنها تقي شر السموم بل العكس ممكن تضر أكثر مما تنفع
وإن اللي يطلع من الجسم أثناء السحب مهوب سم .. قال شي ثاني سماه بس نسيت
وبذلك تكون هالشنطة خطرة أكثر منها وسيلة سلامة لأنه ممكن يعتمد عليها الواحد ولا يتوجه إلى مركز إسعاف ويروح فيها الله يستر
وعذرا على المداخلة
وإن لقيت كلام الدكتور فأنا ابجيبه ان شاء الله
والله يقينا وإياكم شر الهوام والدواب
|
أخي الغالي مرورك شرفني كثيرا
وموضوع الجريده فلم يفهمه الناس صح
انت فكر بعقلك لدغتك عقرب وش بتسوي كأسعاف اولي
اكيد بتربطها وبتحاول انك توقف جريان السم في دمك
ثم تخيل معي السم توه في اول اصبعك هل مايمكنك سحبه ... ؟؟؟
مستحيل تجاوب بلا
بل الجواب نعم
اذا هاذي تقوم المقام وزياده
وهي نافعة للدغات البسيطه ام الخطيره كلدغات الحيات وغيرها فهي تعتبر له اسعاف اولي فقط
وبادر بالذهاب للمستشفى
شكراً لك