اول موضوع لي تسع صور هدد على حبارى(ابوالجازي)

[ابوالجازي]

اخواني واعزائي واحبابي الرحاله اعضاء ومشرفين وزوار
اول شي والله اني فشل منكم وخاصه (ابوشعلان) ولا يهون باقي الربع
لقلة مشاركتي في منتدى الرحلات الرائع او تكاد تنعدم
لكن ان شاء الله ان تكون هذه بداية والجاي ان شاء الله اكثر واحلا


هذي تسع صور لمهد لنا على حبارى بتاريخ 21/2 /1429 ارجو ان تعجبكم وترضيكم ولا تزعلون علي


هذا الخرب يدرج وهومكوبر (واثق الخطوة يمشي ملكا)



وهنا معطينا قفاه (الله يكرمكم)



وهذا عمنا يكوبر على جنب يوم اقبل عليه الطير



جاك الموت ياتارك الصلاة (تزعّق او ماتزعّق)

هجوم كاسح




ارجو عدم الرد باقي اربع صور
الله لايهينكم

[ابوالجازي]

نكمل معكم باقي صور الضعيّف المسكين

لسان حال الطير يقول (انا فيك لو دونك سيوف(ن) صقيله)

وين تبي تروح انت الليله عشاي



الحمد لله اللي اعانني عليك



اوه اوي والله نشبه وش يبي هاللي جا يبي ياخذ الحبارى من
لكن (تفضلوا معي الله يحييكم)




ارجو انكم استمتعتوا واستانستوا وانبصطتوا وكيّفتوا
اخوكم (((ابوالجازي)))

بــــــــدر الغــــــــــــذّامي

[محمد المعارك]

حياك الله اخي ابو الجازي
ومن طول الغيبات جاب الغنايم
بصراحة هذا المهد من أجمل صور الهدد التي شاهدت... فسلمت يمناك على التصوير.... لكن وش لون ما تلخبطت يداك وانت تصور هالمشهد المثير.
ننتظر منك المزيد أخي ابو الجازي فأنا أعلم أن عدستك مميزة جداً .

وبارك الله فيك.

[ابوالجازي]

المشاركة الأصلية كتبت بواسطة صقر

حياك الله اخي ابو الجازي
ومن طول الغيبات جاب الغنايم
بصراحة هذا المهد من أجمل صور الهدد التي شاهدت... فسلمت يمناك على التصوير.... لكن وش لون ما تلخبطت يداك وانت تصور هالمشهد المثير.
ننتظر منك المزيد أخي ابو الجازي فأنا أعلم أن عدستك مميزة جداً .

وبارك الله فيك.

هلابك وغلا يا صقر
مرورك تشريف وشهادتك اعتز فيها وهي كالوسام على صدري
وبخصوص اللخبطه ليتك حاضر الموقف وتشوف اللخبطه والربشه
وابشر ان شاء الله بالمزيد
اشكرك على مرورك الله يبيض وجهك

[سعد]

عافاك الله ابو الجازي مع اني من المعارضين للصيد لكن اعجبني تصويرك

[المترو]

السلام عليكم ورحمة الله وبركاته

ماشاالله تبارك الله على الطير وراعيه والمصور الراكد والله انك رهيب اللي قدرت تتحكم بزوايا التصوير اثناء الهدد

ودائما اثناء الهدد الواحد يتلخبط كما قال ابو احمد واما انه ينسى التصوير كله وقتها كما يحصل معي دائما او ان الصور تكون غير واضحه لانشغاله بالقياده او متابعة الهدد بعيونه

بارك الله بك والله يرزقك الصيد هالسنه ولايهون ابوشعلان والحقو على حائل ان صدقت الاخبار مهدود الخميس والجمعه على حباري والطيور لم تكون جاهزه وراحن

تسلم على الموضوع اللي فيه عجلت على وقت المطاريش وهيأتنا له

لكم وافر والود و المحبه

[عصا الترحال]

والله تصوير إبداع ونقل لشيء يقل رؤيته على الطبيعة لكثير من الناس
مشكور ابوالجازي على الصور وإن شاء الله هالسنة تشبع من أبرق الريش
وماتطلع طلعة إلا تلقاه
بارك الله فيك

[يعقوب الوهيب]

لقطات جميلة
وتعليقات ظريفة
اعجبني توقيت هذه:

[ريع الدياب]

ابوالجازي

الصراحة لم يسبق أن رأيت الكثير من صور الهدد ...
ولكن لا أعتقد أنه يوجد أروع من صورك التسع ... شكرا

[Abdullah K. AL-Hassan]

وعليكم السلام ورحمة الله وبركاته

ماشاء الله

الغالي أبوالجازي

حقيقة صور الهدد أكثر من رائعة .. ماشاء الله

ألف شكر وتقدير يالغالي

ولاتحرمنا من جديدك المميز

خالص الود والتقدير

محبكــ عبدالله

[ثامرالماضي]

وعليكم السلام والرحمه :

هلا والله وغلا يابو إبراهيم ... لا تفش ولا شي ... بس قطعتنا صدق ... ويالله يالله نسمح لك .. بأكثر من موضوع

والله لو تشوف كشرتي من الوناسه ههههه ... شوفتك وشوفت هالصور كلها عيد ...

الله يجزاك خير وسعت صدورنا ...

والله يجيب الخير والحباري اللي توسع صدورنا وصدور طيورنا وعدساتنا بعد

لاهنت يابعدي ...

وننتظر جديدك بشوق


,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,

[عبدالكريم اليوسف]

منذ الأمس وأنا أتطلع في هذه الصور دون ملل لما تحويه من احترافية ونقاوة
وتذكرت هذا البيت اليتيم الذي نشر لي في احدى المجلات الإماراتية قبل عدة سنوات

وتفضل هالبيت مع صورتك الناطقة ( واسمح لي على التعديل)

أبو الجازي كل الشكر والتقدير لك على هذا الموضوع المتميز بالفعل

[فتى الرابيه]

تسلم يابو الجازي حقيقه مبدع
تحياتي -- فتى الرابيه

[بران]

و أخيرا أبو إبراهيم لقيت لك موضوع ؟

يعطيك العافية على الصور و العيدية الحلوة .

بس ولو نبي صور القميري اللي أنت خابر ؟

ترى هالمنتدى عزيز علينا مثل صقار ؟

[خيال نجد]

ياهلابك يابو الجازي بين أخوانك

أبو الجازي كل الشكر والتقدير لك على هذا الموضوع المتميز بالفعل

فتميزك وأبداعك في صعود