العلبه هذي جاتنا هديه من اصدقاء في الطائف، وكما رأيتم التمر حبات كبيره وفيها الطول شويه وفيها طراوه وليونه مثل الـ ( تشيز كيك) ومع الطحينه ماودك تبقي حبه طبعا مع أبرة انسولين من أبو 100 ملي متروسه لين راسها، الله يحمينا وياكم.
الشاهد في الموضوع اني ما عرفت نوع التمر !!!!!!!!!!،،،،،،،، ودي أعرف اسمه أو نوعه، بارك الله فيكم، بالهنا والعافيه
اله يهنيك ويعافيك، شكرا على المرور وانا كذلك أقول مثلك فقط حبيت التأكد الله يرزقك الجنه، وأما ذواقة التمر، بس تجيني علبه ثانيه وابشر باللي يطيب خاطرك، رعاك الله.
أبو مروان:
هلا فيك مشرفنا الغالي، يوم السعد اللي نكون ان وياك على صحن تمر من هالنوع، سرني حضورك الطيب.
اولا تجيب معاك علبتين من هالتمر فى الرحلة الجاية
مع رحالة جدة (بعدين أقولك فين)
ثانيا دام ان مسامير الركب هذا هدية من صديق فى الطائف ...
فأعتقد أنه لابد تمر بيشة الفاخر المشهور
الطاوله والتمر ما يغلن عليك يابو عبدالله، وان على التمر وانت عليك القهوه وحدد المكان. شكرا لك على التواصل.
أبو صقر:
اسباب المواضيع كثيره، ومنظر التمر وجماله جعلني أكتب الموضوع، شكرا لك على الرد ومعذور،
ريع الدياب:
على هالشحم يابو اسماعيل، هذا عربون الرحله، أسف على عدم حضوري في الرحله الماضيه مع خشم الحصان، بعدين ما شفنا أحد نزل موضوع، سكتم بكتم.
توقعك معقول يمكن التمر من بيشه وبيشه تشتهر يالتمر الصفري والصقعي. تقبل تحياتي.
مهراس: هالتمر ما اعرفه بس اعجبني طريقة عرضك للموضوع وبساطة شرحك الجميل.
عندنا بالقصيم ما اعرف أي نوع كبير
لكن فيه نوعين كبيرا الحجم هما أم الخشب والحلوة وهذان النوعان لا يكنز ويؤكل طازج.
التمر وشايب الصمان ورطونا وانت كملت الناقص، لكن ما ارد طلبك اذا جا أبو عبد الله للرياض نجتمع على تميرات مع بعض الأعضاء من الرياض أو حواليها مثل ذيب العرمه وعاشق الريم وغيرهم ونسميها طلعة (اسم التمر)، وياليت أبو فراس يعجل علينا بالمشاركه، تحياتي لك على ردك الحلو.
راعي لشاص:
يا مية هلا فيك، عودا حميد، وذلك دلاله على ذوقك في القراءه، الله يحميك،
اساس الموضوع هو العجاب بالمنظر(منظر التمرفي العلبه) من ناحية الحجم واللون وترتيب التمر في العلبه، طبعا مع الصور ظهر لي الموضوع وهو السؤال عن النوع لأن منظره سبحان الله جميل، اما السيناريو فهو وليد الصدفه لتمليح الموضوع، تقبل خالص الشكر على تثنية المشاركه والمعلومه القيمه.
عاشق المدينه:
بارك الله فيك وأعز مقدارك على المرور المقبول، التمر كله عندي سوا وليس لي خبره فيه بالحيل، والبرني ما عليه كلام، ما يرد الكريم الا !!!!!!!!!، الله يطيب حالك، تقبل تحياتي.
مهراس بارك الله فيك على الصور الجميله والنفس المفتوحه الله يهنيك ويجعل مهابيطه العفا.
التمر ان ماخاب ظني انه صفري من صفري الوديان المشهور بكبر حجمه مثل ماقال ابو اسماعيل.
لاهنت يامهراس
عليم العطش
المواضيع المتشابهه
مسامير الركب
.... وأعلمك نوع التمر .
وش رايك بسطل برني
العرض العادي
