بسم الله الرحمن الرحيم السلام عليكم ورحمة الله وبركاته
بداية أصبح على إخواني منتدى الرحلات وأعتذر عن عدم حظوري حفل الرحلات السنوي لإنشغالي بعزاء عمي رحمه الله وغفر له والمسلمين اجمعين .
إليكم ملخص رحلتنا حيث قمنا بالذهاب الى منطقة جراب للتفرج على بعض الشعبان هناك إنطلقت الرحله من بريده مروراً بالزلفي والإرطاويه و من ثم جراب حيث هناك شاهدنا الأماكن الرائعه ورحنا قطوعه متجهين من جراب على شعيب الإرطاوي وفياض الهايم والسياريات لاكن المناطق اللي مررنا بها عال العال ومروراً بالسياريات حيث هناك الأماكن صح ورهيبه همن الإتجاه لبريكه وعلى فكره تراه أحسن شي جيناه والمعذره على الإطاله وإليكم الصور.
إخواني هذا مكاننا اللي تم المبيت فيه(به) صورة لشعيب جراب
الغالي ابو محمد يحوف المصابيب .
بعد القهوه وعلوم الرجال الشباب يحترون المصابيب والحنيني إستعداداً للبلع .
هذي صوره والربيع الرائع بالطريق ابو عبدالله وهو يحتري الشباب يجون والذيب . اخبار وهذا المضحاء حقنا قبل النقيان وهذي خبة المطلق بالسياريات . والجمال .
صوره إخرى لها وعلى فكره مليانه بسباس .
مبيتنا شرق بريكه وهذا انا وابو خالد نحوف المقلقل .
وهذي الفيضه البريكه هبال الهبال وخاصة بعد المطره شوفوه
مره إخرى لهه
جنه والله يجماعه وشرايكم .
التخييم والوناسه هناك .
هذا عقب المطره على بريكه .
صوره اعجبتني مع الماء والربيه .
طين طين طين رويانه بالحيل
البتبت على فرشه بساط اخضر حلوه .
أما هذي فهي غرب بريكه على نفس الخط والغريبه كل ما تتجه للطراق فيه فياض صح
وهذي هي مره ثانيه
وهذا مضحانا بعد التعب والإرهاق ربيع بلادي والذيب لأقبل عليك مثل الجبل اللي عالي القمه
النفل والخزاما تطيب الجو الرائع .
يقول بسرعه سم جوعانين لألكمك الحين بال تصوير بلا هك .
هذي الفيضه اللي غرب البريكه أطلقهن كلهن قسم بالله شي . والروض وريحته تهول .
وهذي هي والروض الرهيب .
شكرا لكم على المتابعة والمعذرة على القصووووووور.....
رحلة جراب والسياريات والبريكة((الإكليل))
العرض الشجري
