قصيدة أب عقه أبناءه حزينه...

[alrahّal]

بسم الله الرحمن الرحيم

السلام عليكم ورحمة الله وبركاته

أمسي على كل من قرأ موضوعي بالخير...

قصة وقصيدة عليها سمعتها وكتبتها لكم

علُّه مايخونن التعبير

هذي قصيدة حزينة للشاعر جحيش بن مهاوش رحمه الله

الذي كان يحب أبناءه

ويرعاهم ويربيهم أحسن تربية ظاناً أنهم إذا كبروا سيبرونه ويفدونه

باغلى مايملكون ويرعونه ويحزنون لحزنه ويفرحون لفرحه

ولكنهم كبروا وعقوأباهم ولم يزوروه أو يهتموا بل وألقوه بوادي

اسمه وادي (سلاحيب)مااطول عليكم

يقول من يقرا بليَا مكاتيب

ياللي تقرُون العمى من عماكم

خوذوا كلام العودمابه تكاذيب

مثل السند مضمون للي وراكم

ياعيالي لاصرتوا ضيوف ومعا زيب

ترى الكلام الزين ملحت قراكم

المذهب الطيب فهو مذهب الطيب

والمذهب الباير يبوِر نساكم

ياعيالي ماسرَحتكم باللواهيب

ياعيالي ماعمر المعزب ولاكم

وياعيالي ماضربتكم بالمشاعيب

ولاسمعوا الجيران لجَة بكاكم

من حبُكم ارطب القلب ترطيب

يفز قلبي يوم يبكي حداكم

ياما تسلوعت القبايل تقل ذيب

من خوفي لايقصر عليكم عشاكم

وياما قطعت من الفياض العباعيب
ادور من صيد البرايا غداكم

ردٌو لي القرضة عليكم مطاليب
ردولي القرضة جزا من جزاكم

نصحتكم واسندت وادي سلاحيب

واشهدت بالبيداء مدافيق ماكم

ياعيالي بعتوني بصفر العراقيب

ماهي حقيقة سوَد الله قراكم

وياعل نسواكم ماتحمِل ولاتجيب

ولاحدٍمن البزران يمشي وراكم

ــــــــــــــــــــــــــــــــ

هذه القصيدة للشاعر:جحيش بن مهاوش.

أرجوا أن يكون موضوعي حاز على اعجابكم

كفانا الله واياكم عقوق الأبناء