باختصار شديد
هالسنه طارين علي البحر من بدري والسبب معروف
لا كشتات ولا ربيع ماغير متكين بمخيمنا حول النعيريه ( اسم اننا كشتنا )
لذلك استهوتني طلعه بحريه لصيد السبيطي في بحر الخبر
وحدث فيها امر لم نكن مستعدين له
الا وهو ان احد المرافقين كييف شاهي وعنده غلايه على البطاريه وكل شوي مفوح له ماء ومسوي شويهي يمخمخ عليه
قلت له تراها تسحب كهرب البطاريه
كل مابغيت تشبك الغلايه شغل المكينه
قال ماعليك القارب فيه بطاريتين
وفي اخر موقع وقفنا فيه طولنا شوي والرجال مسترسل بتسوية الشواهي
ويوم جينا نشغل المكينه قالت مابي حيل اتحرك
وحاولنا نشغله بالحبل مثل راعين وايتات الماء لكن المكينه جديده(ضغطه قوي) وحجمه كبير ولا قدرت اشغله حتى بمساعدة السلف هو يشغل وانا اسحب الحبل الملفوف على المكينه مثل سالفة التنتيع
ويوم ايسنا انه تشتغل شبكنا المكينه الاحتياطيه الصغيره ورجعنا به للفرضه(الميناء) طبعا وقت الرجعه اضعاف وقت الروحه
واستغليت الفرصه وقعدت اتفنن بتصوير الصيد
وهذه صور صيدنا
وهنا لابد من بعض الحركات لزوم التصوير خصوصا ان الوقت طويييييييل
رحله بحريه بالخبر وصيد موفق بفضل الله
العرض الشجري
