هل سمعت بالرالي ؟ ......... أدخل وشاهد وإعطنا رأيك بالمشاهد ؟

[Abdullah K. AL-Hassan]

بسم الله الرحمن الرحيم

السلام عليكم ورحمة الله وبركاته

تخيلوا كل سنة هذا الموال

( تخريب في تخريب )

ليت تشبك المنطقة كلها ولا يصير فيها كل هذا العبث

الصورة الأولى

لاحظوا وجه الهايلكس والددسن بيقلعون من كثر الدعسه !!

طيب هل أنت ياراعي الهايلكس أو الددسن

تأمن الي قدامك وأنه يعرف يسوق ويبيعطيك مجال ولا بيخيلك تدخل بأحد هالقشع ويروح يومكـ كله نكد .....!!!




الصورة الثانية

عاد هذي لكم .......




خالص الود والتقدير والمحبة

أخوكمـ عبدالله

[عبدالحميد الحربي]

أخوي عبدالله لسان الحال يقول :

لقد أسمعت لو ناديت حياً ,,, ولكن لاحياة لمن تنادي

لاحول ولاقوة إلا بالله

[عاشق الكيف]

هذول على الاقل بالبران يعني كافين شرهم لو بيسيرلهم شي مافيه احد بيتأذا بس بلا ابوك اللي وسط البلد ويمشي 200 ولا خطوط السفر اللي رايح جاي يطامر بوجه العالم

[راعي الفكسار]

المشاركة الأصلية كتبت بواسطة عبدالحميد الحربي (( أبو فهد ))

أخوي عبدالله لسان الحال يقول :

لقد أسمعت لو ناديت حياً ,,, ولكن لاحياة لمن تنادي

لاحول ولاقوة إلا بالله

لا وما فيه الا انواع القرقعة والصجه عنده

ما نقول الا الله يكفينا شرهم

لك محبتي وتقديري

[ابو فراس]

هذولا وش يزينون

تبيهم يسوون مخططات

الله يهديهم ويكفينا شر من به شر

وكل عام وانتم بخير وعيدكم مبارك

[الخلف]

وعليكم السلام ورحمة الله وبركاته
اكيد قد سمعنا با الرالي
لاكن رالي زي هذا غريب
كل واحد يقول وخر عن طريقي

[محمد المعارك]

الله يهديهم
بعض الفياض الواحد يتجنبها من أذى هؤلاء المراهقين.
مشكور اخي عبدالله على هذه المشاركة

وبارك الله فيك.

[سهيل]

تسلم اخي عبدالله

صدقتك راليات ماخلو الديرة


صارو حتى بالبران


والضحايا بالالاف تقل حرب

[أبومشعل]

شاهدنا من الحوادث مايكفي للعبرة لمن لديه عقل
ولكن يقول المثل الجاهل عدو نفسه
اللهم احفظ شبابنا واهدهم الى طريق الخير
موضوع قيم اخي عبدالله
شكرا وبيض الله وجهك