عندي كابرس م94 LTZ أول ما أشغله بعض الأحيان ((آخرته اليوم)) تقطع وترج رجه خفيفه ، >بعض الأحيان ترجع طبيعي ومعظم الأحيان تطفي . . .
>>>>> مع العلم بأن الحاله ذي تجي كل شهر وبعض الأحيان كل أسبوع <<<<<
وإذا دعست بعض الأحيان دعسة قوية يطلع دخان >>مع أنه ماكانت تدخن ؛ أرجو أنكم تعطون الحل ماودي أروح للورش النصابين . . .
مع العلم بأن الحاله هاذي له حول ستة شهور وكل يوم أقول بكرا همن اذا جاء بكرا أقول بعده . . .
اول شي غيرها وبعدين نطلع للرحله الثانية ... إن كان الدخان ابيض ... فهذا إحتمال إن السيارة مكربنه والكربنه تجي مع الهداوية مره في استخدام السيارة وعدم السرعه في السفر ... وحلها تمس عليها خط تدريجياً 120 ثم 140 ثم 160 أقل شي 100كم بس اهم شي لا توصل 160 إلا والسيارة مؤهله من كفرات وغيرها وترى 140 كافي بس خلها تمس وقت شوي
إن ما نفعت رد لي وعلمني وش اللي تغير وماتغير وبإذن الله تتيسر بس لا تقرب الورش ولا تخلي السيارة عندهم إذا جيت تبدل البواجي واسلاكها خلك على راسهم لأنهم عادي بساعة يغيرون لك المكينة او القير وهذي تحدث وكثير جداً
انتظرك بعد إجراء التشيكات الخفيفه
( منظم الهواء حل ليس مبدئي )
ابوخالد
التوقيع
يا حـي ردة الهــدد لـي بالسـلامة
ياكود طرفة عين والعز عني يضيع
لو هو نيسان مالحقني فيه ملامه
كومة حديد و الرجـال لسوقه تبيع