موضوع على الطاير - نقل مباشر

[خالد الشريهي]

السلام عليكم ورحمة اله وبركاته

هذه رسالة على الهواء مباشره من روضة ام العصافير بين لينه ورفحه ووقفتنا استعداداً للمبيت قبل غروب الشمس

العمدة أبو فراس يجهز القهوة والشاهي ........... الله يعافيه

العمدة أبو فراس وحولة جزء قليل جداً من عزبته المميزه اللي أثبتت جودتها وتكاملها وقاهرة بعض الناس

بداية بث هذا التقرير على الهواء مباشره

وهذا ابريق أبو فراس المفضل الذي مايقدرون بعض الناس يحيبون مثله

ونحن الان نتسدح بانتظار حضور خشم الحصان ومرافقيه

والى اللقاء في تقرير آخر مباشر من الحدود الشماليه

تقبلوا تحياتنا

[ولد نجد]

ماشاء الله عليك يابو عبدالله
ضروفي ماساعدتني اطلع .. لكن وسعت صدري وكني معكم الله يسهل عليكم ويحفظكم من كل شر انت وربعك
شكرا ابو عبدالله على البث المباشر

[شايب الصمان]

ماشاء الله عيكم تبارك الرحمن

العزبه معروفه ومايحتاج تعريف ؟؟؟؟؟؟؟؟؟!!!!!!!!!!!

الصوره الاولى تقهر اللي بالديره .

الصوره الثانيه البريق المميز للطلعه واللي أنذرني عليه العمد لازم العزيه يكون به .

الصوره الثالثه الجلسه الدوليه للعمده مع المركى الاثري وتقل نعولكم نعول بنقاليه

الصوره الرابعه مانقدر نقول شىء كود الطلعه الجايه يرضون علينا الاداره العليا ويعزمونا.

الصوره الخامسه تقل البريق الصغير مهب غريب علي وأظن أنه من عزبة الجارمن .

تسلمون على النقل المباشر ............................. ولو أرتباط

يوم الاربعاء كان عندكم حتى لو ماعزمتوني وأبوفراس عنده علم

بالارتباط ......

لا وأبوفراس يتصل ويقول أنت بالبيت ......... طيب أذا رحت للبيت شف الموضوع ترا نزلنا موضوع على السريع من مكانا ............ يعني فوق أننا ماقلنالك خلك بالديره وشفنا وحنا نتمشى بالجو الطيب .................................... الله يردكم سالمين غانمين ولكن الوعد الاربعاء بالليل عند الب ؟؟؟؟؟؟؟؟؟؟؟؟ بعد الارتباط بأذن الله متوكل على الله .....

ماشاء الله عليكم وردد على المواضيع الربع فالينه الله يوسع صدوركم بالعافيه . هههههههه

[خالد الشريهي]

وصل الاخوان صقر وخشم الحصان وأبو سديم وراعي الذوق ومرافقيهم الكرام بالسلامه

ونتوقف الان لتناول طعام العشاء

من لديه اي اسئلة قبل لا ننام فـ حنا جاهزين

[أبو مروان]

السلام عليكم ورحمة الله وبركاته

احسن شئ إن أبو إساعيل نائم في هذا الوقت وماشاف موضوع الطلعة هذا ، وإلا كانت علوم آخرى

عموما هذا الأسبوع ما في أمل التحرك الخارجي (خارج الظهران وقت وإجازة العيد ليس ملكي) ، إن الله أحيانا الأسبوع القادم يبدأ موسم عام 1428 - 1429 هجرية مع عودة الدراسة

وسلم على الجميع

[راعي ساموده]

انا اسف اني ماقدرت اجي وابو احمد يعرف العذر
والجايات اكثر

[احمد الثقفي]

ماشاء الله عليكم ،،، جمعه طيبه
سلامي للجميع

[الجارمن]

الاخ العزيز ثهلان (ابو عبدالله)
ابيك تسأل ابو فراس وشلون اشتغل الجارمن حقه ووصله إلى ماوصل اليه في هذي الطلعة
وبعدين اذا حبيت صور من العزب تراه متوفره بكثرة عندنا لاكن ما نحب الصور الثابته التي تعطيك شكل فقط للاغراض
أما افعالهن فاالله اعلم

[حامد الغامدي]

الله يهني الجميع بهذه الرحله الموفقه، ماشاء الله على كلامك يابو أحمد يوم تقوللي توكل على الله وحرك والوعد حسنا،

وخلك يابو عبدالله على المباشر وأخباركم والصور أول باول.

ان شاء الله الجايات أكثر، وانا أحب البرد يكون أشد حتى تكون المتعه والأثاره أكثر، سلامي على أبو فراس، وصقر، خشم الحصان، وعليك انت يابو عبدالله وجميع من عندكم وتصبحون على خير.

مهراس.

[ريع الدياب]

الغالى أبوعبدالله ثهلان وصحبه الكرام

ياحظ أم العصافير بتواجد عظماء الرحلات فيها
شكلها رحلة مهولة تستاهل العنوة ... الجو أكيد ما يحتاج
لكن ايش لون الربيع؟ جالها أمطار من قريب ؟
وايش الطريق لها من الرياض والقصيم ؟ ...
هل مشيتوا عن طريق أم رقيبة - الحفر؟
رحلات الوسيع والدهو تعتبر داخلية أما أم العصافير
فهى فاتحة الرحلات الخارجية الطويلة ... سبقتونا
الله يهنيكم وننتظر تفاصيل أكثر وأكثر

أنتم برى وحنا زى ما قال أبومروان بحرى
أنا فى البحر وهو فى البحرين
صورت اسماعيل وأولاده فى البحر

[Abdullah K. AL-Hassan]

ماشاء الله

بس ماأقول إلا خيركم خيركم لأهلـــه ـــــــولا أبو عبدالله ,,,
والعيد هذا مع الأهل ..وإن شاء الله الطلعات جاية ..
تقرير حلو بس عندي ملاحظة أغلب تصويركم ليلي...!!


تقبل مروري يالغالي أخوك أبومحمد

[شايب الصمان]

المشاركة الأصلية كتبت بواسطة الجارمن

الاخ العزيز ثهلان (ابو عبدالله)

ابيك تسأل ابو فراس وشلون اشتغل الجارمن حقه ووصله إلى ماوصل اليه في هذي الطلعة
وبعدين اذا حبيت صور من العزب تراه متوفره بكثرة عندنا لاكن ما نحب الصور الثابته التي تعطيك شكل فقط للاغراض


أما افعالهن فاالله اعلم

ويش سلفة الجارمن ياالجارمن وراه خابر جارمن أبوفراس أثري ويتحدث تلقائي مع كل طلعه ماشاء الله عليه ................. أو بداء بالتغير على شوي شوي بداية من الجارمن وهمن العزبه

[محمد الديحاني]

اقول الله لنا يابو عبدالله انت والربع الي معك
لا عزيمة ولا نشدة اذا بنروح مكم لكن معيش ترضون عنا في الطلعات الجاية....

[حامد الغامدي]

أبو عبدالله: وراكم ماتردون، لهالحين نايمين، الناس يحترون الصور والنقل المباشر.

[خالد الشريهي]

اليوم كان حافلا بالجولات على بعض الاماكن والمواقع المهمه والتي ستكون لها مواضيع في القريب العاجل و استمرت الجوله حوالي 5 ساعات ..........وهنا بعض اللقطات للتواصل

بعض اللقطات من جولاتنا






وهنا استراحة وقت الظهيره








والجلسة المسائية في هذا الشعيب الجميل على طريق لينه رفحه استعداد للعشاء والنوم






والى اللقاء في تقرير يوم الغد بإذن الله

تقبلوا تحياتنا