لخبراء ام خمس البيكال

[القحطاني]

اخواني ارغب منكم في الاجابة على استفساري
حول ام خمس البيكال الروسية وسؤالي حول انه
يوجد مع البندفية ثلاث وصلات صغيرة الحجم ومكتوب عليها
الاولى حرف ( m )
والثانية حرف ( ic )
والثالثة حرف ( f )
وقد قيل لي بأن هذه الوصلات من اجل تحديد نوعية الرمي ( الرش ) او ( النشر )
ولكنى ارفي في تفصيل ذلك ومتى تستخدم كل وصلة
وفقنا الله واياكم


اتمنى الشرح بالتفصيل

تحياتي للجميع

[القحطاني]

وش دعوا يالربع مافيه احد يعرف الفائده من الوصلات الي تجي مع ام خمس


الله يرزقنا بوحد يفيدنا


تحياتي للجميع

[مجبور]

السلام عليكم ورحمة الله وبركاته

السلام عليكم

اول شي حياك الله بين ربعك واخوانك بالمنتدى وان شاء الله بتلاقي اللي يسرك .

ثاني شي مبروك الشوزن وان شاء الله يعطيك خيرها ويطعمك من صيدها يكفيك شرها يارب .

بالنسبه للتشوكات راح اشرحهم لك واحد واحد :

- حرف ال f اسمه full chok وهو اللي يسوق فيهم ومايرش .

- حرف ال m اسمه modified وهو يرش اكثر من ال f .

- حرف ic اسمه improved cylinder يرش اكثر من ال m .

- حرف c اسمه cylinder يفتح الشوزن على الأخر يعني اكثر تشوك يرش فيهم لأستخدامه في رماية المخباط ( ام تيله ) والمتوسع .

بالنسبه للتشوكات المحليه احب اقولك شي واحد بس :

اهل القصيم مو احسن من خبراء السلاح العالميين ولا يقصون عليك بالكلام الفاضي .. يقولك
( رهم لها تشوك ترى تسوق اكثر )
هذا كلام فاضي وحتى لو كان صح ماراح يكون بجودة بلادها .

احذ ثم احذر من الترهيم والقطع المصنعه محليا

وسامحني على القصور .

[مرباع]

السلام عليكم ورحمة الله وبركاته

ما قصر اخوي مجبور

كفا وفا

يعطيك العافية

[راعي ساموده]

المشاركة الأصلية كتبت بواسطة مجبور

السلام عليكم ورحمة الله وبركاته

السلام عليكم

اول شي حياك الله بين ربعك واخوانك بالمنتدى وان شاء الله بتلاقي اللي يسرك .

ثاني شي مبروك الشوزن وان شاء الله يعطيك خيرها ويطعمك من صيدها يكفيك شرها يارب .

بالنسبه للتشوكات راح اشرحهم لك واحد واحد :

- حرف ال f اسمه full chok وهو اللي يسوق فيهم ومايرش .

- حرف ال m اسمه modified وهو يرش اكثر من ال f .

- حرف ic اسمه improved cylinder يرش اكثر من ال m .

- حرف c اسمه cylinder يفتح الشوزن على الأخر يعني اكثر تشوك يرش فيهم لأستخدامه في رماية المخباط ( ام تيله ) والمتوسع .

بالنسبه للتشوكات المحليه احب اقولك شي واحد بس :

اهل القصيم مو احسن من خبراء السلاح العالميين ولا يقصون عليك بالكلام الفاضي .. يقولك
( رهم لها تشوك ترى تسوق اكثر )
هذا كلام فاضي وحتى لو كان صح ماراح يكون بجودة بلادها .

احذ ثم احذر من الترهيم والقطع المصنعه محليا

وسامحني على القصور .

وش جاب اهل القصيم بالموضوع الله لايهينك ؟؟
ثانيا ياليت تحسن اسلوب نصحك الله يجزاك خير

[القحطاني]

الاخ مجبور مقصرت وبيض الله وجهك

الله يعطيك العافيه

[مجبور]

السلام عليكم ورحمة الله وبركاته

الآخ راعي ساموده

آسمحلي ياخوك أنا قاصد اللي يرهمون السلاح وليس القصيم كلها

ومعروف عندنا أن آهل القصيم مشهورين بالترهيم

وآذا زعلان حقك علينا يالغالــــــــــــــي ..وسمح لنا

[PAJERO]

اهل السلاح اخبر بسلاحهم
والمثل المصرى يقول ( العمر مش بعزئه )
شكرا للجميع

[عصا الترحال]

ماقصر مجبور عطاك التفصيل
بس يفضل أنك تعرف كل شوكة تصلح لويش
يعني f تصلح للرمي اللي يحتاج تجميع الحلبي أو الخردق مثل الكرك والبط والأشياء
وm يصلح للقميري الطيار
وال ic يصلح لجموع الدخل والقماري الموقعات على الشجر
وعلى ذلك فقس
بارك الله بك