مجلس الرحلات .... حياكم الله

[أبوخالد التويجري]

السلام عليكم ورحمة الله

يا الله حي الجميع



هذه فكرة لها سبق في كثير من المنتديات وتمتاز بسرعة التواصل مع الجميع وكأنها شاشة محادثة فورية وفيها نأخذ علوم النشامى مثلكم وشرواكم

واسمحوا لي الإبتداء بها

( الصورة من قوقل )

==========



بما أن ما بقى ع العيد إلا 15 يوم تقريباً فإن الجميع بالتأكيد أعد لرحلة سواءً داخلية أو خارجية ...

ومن ناحيتي ... محتار بين السفر لليمن ... أو الساحل الغربي وكلها تتوقف ع الشباب اللي يجزمون ... وهذا ما عندي من علوم ...




عطونا من علومكم لا هنتم





نوماس سدير

[مرباع]

السلام عليكم ورحمة الله وبركاته

والله فكرة جميلة
والله انك راعي افكار

لاهنت

[أبوخالد التويجري]

المشاركة الأصلية كتبت بواسطة مرباع

السلام عليكم ورحمة الله وبركاته

والله فكرة جميلة
والله انك راعي افكار

لاهنت

هلابك أخوي مرباع


وش عندك من علوم .؟ وين النيه بالعيد .!؟

الصدق تمديد الإجازة لخبطتنا

ماني شوفة الرياض إلا على قبالة الدراسة والإجازة ماشاء الله طويلة





نوماس سدير

[عروق الدهناء]

هلا باخوي نوماس الله حيه وابقة
مبدع الله يقويك
النيه مطيه الا ورى ماتيجي ناخذ العلوم انا وياك عندي بالعمل يوم العيد (:

[ابو فراس]

الى هالحين معزوم على رحلتين لم تتأكد المواعيد واللي يؤكد الاول انا معه ان شاء الله

رحلة الى الغربية

ورحلة ما تصدقون انه الى الصمان

[عمار السفينه]

السلام عليكم ورحمة الله وبركاته

ولله يالغالي

تخبر الشهر الفضيل الواحد جالس لايروح منا ولا منا

لكن بأذن الله بعد العيد

احتمال ان تكون رحلة غوص وصيد في إعماق البحر الأحمر

ولله معلومية فأن رياضة الغطس من أجمل الرياضات

لكن ستعيش في عالم آخر

[جمعان الخثيمي]

نوماس حياك بالساحل محفول ومكفول ..

ولا تنصا من الساحل إلا الشعيبه..القماري والطيور والسمان والرهو..بس عجل..

ومنها عمرة ومنها رحلة..

والله يحي الجميع

[Abdullah K. AL-Hassan]

وعليكم السلام ورحمة الله وبركاته

الغالي نوماس سدير

والله انا مثلك

والله يعين .. الواحد هاليام يتربط .. بين أهله .. وأخوياه ..

بأذن الله إذا الله رزقنا الأمطار فسأكون بنجد .. لاتبعد ..

لازم الواحد يرتب أموره من بدري

وأنصح بالشمال

ولاتلوم الأخوان توهم مافكروا بالسفر ..

الله يتقبل صيامكم وقيامكم وصالح أعمالكم

خالص الود والتقدير

أخوكـ عبدالله

[أبوخالد التويجري]

هلابك والله عروق الدهناء

تسلم يا بعدي والله يمكن تكون اهون من .. تعرف إذا قالوا لك إذا تشتي تحيره خيره .!

أنا مثل تسذا .. والله بحلت بعمري ما أدري وين أروح ... لكن فيه تقرير كتبه أخوي المبدع المرشد ولعلها تكون النيه لها لأني أول مره أشوف مثل هذي الأماكن ماشاء الله وعسى الله يقدر خير ويعين ابويوسف علي

الله يكون بعونك يالغالي


.
.
.


هلابك والله ابو فراس


يغديها تصمل الأولى وش يوديك في هالقيض للصمان .!

الضبان ويومين تكفيهن وين تصرف باقي الأيام


أحس الساحل الغربي بيزدحم الله يعينك يا قنيب الذيب


الله يكتب لك يابوفراس اللي فيه الخيره

.
.
.


هلابك أخوي الغالي والمبدع عمار السفينه


ماشاء الله أجل النيه على البحر


والله قبل 8 شهور تقريباً كنا في رحله صيد سمك من الفجر وحتى المغرب من عروس البحر مدري وش اسمها << تحس إنها خبصها

المهم كانوا الشباب جازمين ع الغوص ومعهم العدة وانا قلت خلني على السباحة وبس ... ويوم شفت وحيد القرش قلت أجلد يابوملوح والله ماتغدي به

وكانت الرحله تشميسه على كيفك غدينا برقان بر من الشمس



الله يوفقك يالغالي



.
.
.



هلابك يالغالي قنيب الذيب


تسلم يالغالي وماتقصر وبيض الله وجهك ومعرفة مثلك وشرواك مكسب لنا والله ولكن لعلها تكون النيه شماليه والعمره هالحين بعد هالموضوع ابقفل وآخذ لي عمره وأرجع للرياض على طول دعواتكم



.
.
.



هلابك والله يالغالي A.K.H



والله إنك صادز ومالنا إلا هالشمال عسى الله يرزقنا من خيره ويجعل هالسنه عام خير وبركه ويعم بالخير ارجاء البلاد << حسن كراني

ويامحلا الجلسه مع الأهل لكن ماتعودنا من خلقت وانا مع أخواني نجلد في هالشمال والغرب والجنوب تسنا ملحوقين

الله يحمانا وياكم من كل سوء ومكروه





نوماس سدير

[أبوخالد التويجري]

أخواني هذا الموضوع للسوالف لذلك ياليت الكل يحط لنا آخر علومه وتكون لنا كشاشة المحادثة وتبادل الأخبار




وآخر علومي إني محتاج دعاكم لي بالشفاء وعسى الله يحمانا وياكم من كل سوء ومكروه






نوماس سدير

[Abdullah K. AL-Hassan]

المشاركة الأصلية كتبت بواسطة نوماس سدير

أخواني هذا الموضوع للسوالف لذلك ياليت الكل يحط لنا آخر علومه وتكون لنا كشاشة المحادثة وتبادل الأخبار




وآخر علومي إني محتاج دعاكم لي بالشفاء وعسى الله يحمانا وياكم من كل سوء ومكروه






نوماس سدير

الغالي أبوخالد

سلامات ؟

طهور إن شاء الله