بسم الله الرحمن الرحيم
كنا نعد الأيام ولما قرب الوعد عدينا الساعات ومن كثر الشوق عجزنا نعد الدقايق والثواني خلاص ماعاد بقى من ألـ 900 كيلو شي من جده مرورا برابغ، وصلنا المخيم التاسعه مساء الأربعاء الثاني من ذو القعده 1430هـ وأبو فراس والأخوان كانوا في الأستقبال والجو ماشاء الله بين الـ 16 والـ 18 درجه والقهوه زاهبه والأرض راشينها ماء ، ياربي عفوك الحمدلله على السلامه كنت خايف من عمود الدبل يفرط علينا لأن فيه رجه خفيييييفه، قال راعي الورشه لا يمكن تروح به مشوار طويل قلت في نفسي خل عنك، رايح للقصيم يعني رايح، توكلنا على الله ومشينا شكله مافي راسه وأنا الحقيقه ما أصدق راعين الورش.
المهم وصلنا وأبو فراس الله يحييه منتظرنا،، والسالفه مالكم بطوالها ،،،،،،،،هذي مقتطفات من داخل المخيم ....... صراحه جَمْعَهْ رايقه، وشفنا فيها وجيه جديده، أصدقاء لم أرهم من قبل مثل خيال الغلبا،،،،،
هكذا ظهر المخيم مساء الأربعاء ولا زال الكثير من الأعضاء في الطريق
وأنا أتنقل في أركان المخيم إستوقفني منظر المرشد، أبو سديم وراعي الذوق فقلت أخذ صوره للذكرى
من داخل المخيم استفتحنا الصور بالأخ صالح الريمي وجه جديد ومتابع للرحلات ريع الدياب، صقر، وأبو مروان جلسة VIP
أبو شعلان، المغترب، شايب الصمان، والجارمن
مما ميز هذا اللقاء حضور شخصيات من منتديات أخرى وهذه نقله رائعه في تطوير الملتقيات من منتدى الرحلات، ويري عبد الحميد الحربي (أبو فهد) أقصى اليسار.
الوجه المحبوب المربد، شفناه جالس لوحده حبينا نشاركه الصوره
وفي ركن أخر من المخيم عرجنا على هذه الشله المكونه من أبو زايد، عليم العطش، مهراس، الشيخ قوقل(واقف)، أبو شعلان وثهلان(خالد الشريهي)
طبعا كانت حزة عشا، وأبو فراس في حديث مع راعي الذوق الله يسلمهم كانوا في خدمة الجميع وما جلسوا حت جلس الجميع.
الأخ العزيز سعد اليحي (أبو عبد العزيز) رأيناه على العشاء (الثالث من اليمين) وأنا أحيي روح الدعابة فيه
توأم روحي،
أبو فراس وشايب الصمان، الشي اللي بينهم ماهو قليل، والله يديم المحبه
أبو فهد لا يستغني عن متابعة المنتدى
صلاة الفجر وبرودة الطقس ظاهرة على المصلين
صباح الخميس منظر جميل من المخيم على منتزه الغضا، وأخونا عبدالله الحسن بالبشت
أبو فراس يحضر القهوه لجلسة الصباح
أبو يوسف وابو اسماعيل في إنتظار بكرج (ابريق) الحليب
يعطيك العافيه يابو يوسف، كوب شاهي بالحليب والزنجبيل له مفعول مع جو الصباح.
نكرر الشكر لأبي فراس على هذه الدعوه وتواصله مع الجميع الذي شجعنا على حضور هذه المناسبة السعيده.
بقية التقرير في الجزء الثاني أتمنى ان يحوز على استحسانكم والمعذره على الأخطاء والقصور. تقبلو سلامي.
أبو فهد
جيناك ياجامع قلوب المحبين -الجزء الأول
العرض العادي
