السالم عليكم و رحمة الله و بركاته حيا الله الشباب جميعا الفترة القادمة قاعد افكر ان شاء الله بعد الاختبارات اضبط الحوض شوي و اهتم فيه لأنه زعل علي من يوم شريت الالنترا و ما اشغله الا كل خميس و جمعة و ناقصني يا جماعة الخير تجهيزات موتر البر الرئيسية ففكرت و عزمت اني ابحث بالنت و الحمد لله ما وجدت الا كل خير و المنتديات كلها و لله الحمد استفدت منها من ضمن الافكار اللي تحوم براسي الشد العقرب مثل ذا ,, و اعتذر من راعين المواتر هل في ورش تجيده هنا بالشرقية سواء الدمام الخبر ايا كان ؟ طبعا التجهيزات معروفة لكن ابي اشاوركم بأماكنها 1 - معلاق الذبيحة : وين يتثبت و على وين ينفتحو لو فيه صورة يكون افضل 2 - التانكي : هل الفيبر جيد و يتحمل مثل اللي بالصورة ؟ و كيف اعرف مستوى المواء اللي داخل ؟ و هل يتغير طعمه مع الوقت ؟ و التمديدات هل يحتاجلها ورشة و لا شغلتها بسيطة ؟ اذا هي مواصير و بزبوز فما يحتاج ورشة و وين ينباع ؟ في بالدمام شارع كله محلات خزانات, هل موجود عندهم نفس اللي بالصورة ؟ 3- الطبق : دورت بالسوق و لقيت بليود 18 ملل مقاس 244 * 122 بسعر 100 ريال تنصحوني فيها ؟ لأني احيانا احمل اشياء ثقيلة خيام مواطير ,, الخ و هل توجد طريقة لشد المسامير من داخل ؟ بالمناسبة مقاس حوضي تقريبا 162 * 252 سم و الباب الحمد لله فيه مفتاح شد بلد 4 - الشراع : تنزاني او تايلندي ؟ هل فيه نصايح حول التفصيل المحل الجودة ؟ مع اني افكر افصل جيوب داخل و كذلك مظلة خارجية مثل حقت ابو عبد الله الله يحفظه و هذ راعي هايلكس ما شاء الله مضبط الشد و مظلة مربوطة (و اعتذر منه على أخذ الصور) 5 - الشد او الحديد : كم ماصورة او رصه او طبقة ؟ 7 زي الشيصان ؟ البوية هل اصبغه اسود و لا بنفس لون السيارة ؟ انا هدفي الوحيد من الشد هو حفظ الاغراض سواء من لسرقة او الشمس لذلك افكر بوضع مستوى الطبق على مستوى الحوض بحيث ما يمكن الوصول الى ما تحت الطبق الا عن طريق الباب و بالنهاية اتقبل اي اقتراح بصدر رحب ,,, و ابشروا بالتقرير الوافي بكل صغيرة و كبيرة
بالتوفيق والله يسهل امرك
اقتباس: المشاركة الأصلية كتبت بواسطة abu ibrahim بالتوفيق والله يسهل امرك الله يجزاك خير يا بو ابراهيم
يا جماعة الخير ,, دلونا الله يسهل امركم
وعليكم السلام ورحمة الله وبركاته ودنا ياخوك نفيدك . لاكن أن شاء الله الأخوان مايقصرون معاااك
Security team
عزمت على الشد العقرب ,, اعينونا و نعينكم
العرض العادي
