أصبح الكافش مكفوش ..... + صور للي طالبين الحرش ....ههههه - الجزء 1

[شايب الصمان]

السلام عليكم ورحمه الله وبركاته

يالربع أصبحت مكفوش بهالرحله أكثر من كفشي لهم وهذا يرجع لانشغالي بأخراج حبيب القلب الديزل من النقره .....صرف السالفه تصريفه بيب عرضه 100متر ..... هههه
ولكن لكل مشكك بقدرة الدوج أقول أنتظر وسوف ترا ماشاء الله أبداعات الوحش وجعل بعض الاعضاء عيونهم تقل من انبهاره لقوته ماشاء الرحمن عليه .سوف يكتب احد الاعضاء عن الدوج ولكن كلامه لنا لازم ينزل موضوع يليق بالوحش ... الله يحرم وجهه ووجيهكم عن النار ....

والى المكفوشه الاولى :

ولاكلمه بقوله لان الكافش العمده لا وباكمره الجديده بعد قالي أبي أشوفه وتعرفون طيب وأسمع الكلام وينوكل عشاء من قدامي ولا أقول ولا كلمه من الخوف .

الرجيم ومايسوي بس ترا الصحن اللي جنبي تراه من البارح لاتحسبونه أني ماكله



أخوي وحبيب قلبي يقاله يرمي الزود للطيور وهو اخذله وقت .. وكفشتوه الكمره وهو ياكل من ورانا ::



شمعه تحترق لتضيء لنا الدرب هذا أخوي خشم الحصان يولع الضويه يوم حس أبي قهوه تركيه



تقل الشباب ودهم يشرونه نتسلى به شوي ......... تتوقعون يسدني لحالي تراه مهب كبير بس الصوف مكبره تراه هرفي رباع



البيز العجيب مثل البريق التحفه على قولة ريع الدياب........... عقد الشوش أزين ......



الرجاء وضع النفاط على الحروف .................................................. .. مع التحيه للجميع ... أبوشعلان وثهلان خاصه لكم





كنت خابر بالصحين الصغير به رزيزه ولحيمه ... بعد التعب قالت أتدفى بالاكل شوي



مادام الدعوى مخامط أخذ نصيبي ........ مع أنه ماهنا شهوه .... ( من كفشات صقر )


انتظروا الجزء الاخير من الكفشات بس أنتظر موافقة الربع مسوي فيها مؤدب

[عروان]

أقول يا أبو عبدالله

متى هالطلعة صارت؟؟


بعدين الهيمي ماعليه زود أبد. مايبيله مدح.

الله يبارك لك فيه و يكفيك شره......أمين


بس أقول لك الشباب ما عندهم مانع بتنزيل الصور الباقية........في وجهي مالك هم


عطنى الوجيه السفره يالله.






بعدين أشوف عوده على الشفت!!

[عبدالرحمن المحلاوي]

صور رائعة .. وتغطية جميلة ..


أما المقلقل .. بلحاله ..


يا جعله بالهنا ... ولا تحرمنا من جديدك يالغالي

أخوك .. عاشق النداوي

[حامد الغامدي]

والله يابو عبدالله عاذرينك، سويت شغل كثير انت والدوج، يعني ما عليك لو أكلت الهرفي لحالك،

والصور وذفه بالأخص صورة أبو جراح وهو ينفخ النار

[الروضة]

ماشاءالله الله يزيدكم من واسع فضلة
لكن وش قصة الذي شايل عفشه وطالع لايصير مطرود وإلا زعل عليكم
أو تخففون حمل الديزل ؟
ومشكور على هالكفشات

[ابو فراس]

يابو عبدالله وش خليت لغيرك من الكفشات والصيدات

بس هالصيدة قوية من ابو جراح

شف شايلن حذيانه بيده خايف انك تاخذهن مثل طلعة ورود الصحراء

[الليل]

هلا بك ابو عبدالله
اشتقنا لك ..
ولا تشاور أحد عطنا إللي عندك ..

[البرّي]

قفشات حلوه يا ابو عبدالله

الله يعطيك العافية

الاحظ ان هناك باقي والباقي كثير

لا تخلي شيء جب الاول والتالي

البرّي

[عبدالكريم اليوسف]

الغالي
ابو عبدالله
كل الشكر لك على هالكفشات الجميله
والله لايخلينا من ها الربع
وكل عام وانت بخير
اخوك

[الانيق]

بابو عبدالله ايه نبي مثل هالكفشات مادام مافيه مطر ولا سيول

بس الى الان ما تغيرت مثل ما قالوا بعض الناس كل صورك اكل في اكل لا والعمدة هو اللي يطبخ لكم انت والجارمن وانتم بس بلع وتسمين

والغريب انت تسمن والجارمن لا ما ادري وش السبب

[ثامرالماضي]

بسم الله الرحمن الرحيم

يامال الجنه يابوعبدالله ...

اللحين ولا صوره لخشم الحصان وهو راكد كله حركه بحركه ... ههههههه

والله إني داري من كثر الأجهزه مالقى مكان يجلس فيه شف وشلون جالس ... أو من آثار التعب بعد ...

ههههههههههههههههه

ياعمري عمره ... والله إنكم حسرتوبه ... والله لو إني داري إن هذي حاله معكم إني
لا آجيكم طاير وأقعد أضحك عليه وأرجع ...لكن الجايات أكثر ...

اللحين يابو عبدالله بيدك خبزه وش كبرها وقاعد تذوق من هالصاجه... وبعدين أبو فراس ضارب يدك بالملاس وإلا يشقلب الحميسة ...
وعرفت لك هالحين يابو عبدالله ... أنت ماينفع معك إلا حبوب منوّمه حقّت ساعة وحد فقط إلين ينش الرز ... ههههههه

مشكور يابو عبدالله على هالصور ...

وترانا شفقانين للجزء الثاني ... عجل علينا ...

,,,,,,,,,,,,,,,,,, تحياتي ,,,,,,,,,,,,,,,,,,,

[محمد الديحاني]

هلا والله يابو عبدالله

كفشات ولا احلا بس نبي لين يكمل الباقي عشان نبدا التعليق......

[شايب الصمان]

هلا بعروان أبونايف
الطلعه صارت ثاني العيد ......... ياحبيلك هذا اللي يفهم الدوج ومحركاته ...

يابونايف الخوف من كفشاتهم اللي تخوف ولكن أبشر ولا يهمك بنزل الجزء الاخير بدون أي خوف واللي عنده صور عني ينزله وله مطلق الحريه .. يابونايف من مراح يفكني منهم أحد بس أشوى تقل غيروا نظرتهم عن الوحش .

عاشق النداوي
هي بس على المقلقل به شىء أحلى من المقلقل ....... الله يهنيك بالايمان وطاعة الرحمن .

مهراس : أبوفهد

الربع كلهم ماقصروا بدون أشتثناءالكل يشتغل ...اللي يجهز الوجبه الدسمه ( كبسة صقر اللذيذه )واللي يجهز الوجبه الخفافيه واللي يسوي القهوه التركيه والعربيه واللي يجهز السندويشات واللي يفيدنا بأفكاره عن كيفية خروج الموترمن النقره ........ وخاصة خشم الحصان

الروضه
قصة اللي شايل عفشه قصه طويله يبيله شرح على رأس نفود وضويه أبوفراس وحمسة خشم الحصان للقوه على الضويه ومن حولك صقر وسهيل والجارمن وأبوشعلان وثهلان وريع الدياب وأبومروان تدري أعضاء المنتدى كلهم ...

هناء نتوقف للرد ........ على العمده برد بأقتباس:

[شايب الصمان]

المشاركة الأصلية كتبت بواسطة ابو فراس

يابو عبدالله وش خليت لغيرك من الكفشات والصيدات

بس هالصيدة قوية من ابو جراح

شف شايلن حذيانه بيده خايف انك تاخذهن مثل طلعة ورود الصحراء

أبوفراس هذا حصيلة تعليمك لي على الكفشات .............. ( علشان محد يقولي شىء )

صيدة أبوجراح ماهي صيده الله يحفظك هذا دليل أني رجعت حذيانه ((( من الشرقيه الى الشماليه مع حذيان خشم الحصان))......... شغل يكيكي ..ياحضرة القاضي هل تريد قيمر بصراوي
بس ماأدري مهنو اللي قال لسيهل يصورك قدام الدوج يوم أنه يتدلع بأوليله ................

لا ومن الفرحه بتدلع الدوج راح بسرعه يجيب المركى

[شايب الصمان]

الليل
الله يجزاك خير على شعورك الطيب
أبشر ولايهمك بس أصبر شوي خل الدنيا تبرد شوى .............. الخوف من اللي عندهم

البرى
هلا براعي ماطور الهواء اللي عطاه أبوفراس صوره غلط عن الدوج ( الوحش )

لايكون قاعد بوسط الكمره وشايف باقي الصور ( حبيت أمزح معك ) .........

راعي الذوق
العفو ياالغالي تصق أخاف أقول شىء ترد عى بي قصيد همن أبلش الا أذا كان أبوشعلان يبي يفزع لي خابره طيب وحليل وحبيب

الانيق
كثروا الطلعات وأبشر يالل يزرعلك كمرات زرع وماأحد يتحرك الا مكفوش ..........
ليه الغلط بدينا باللي يفتح الشهيه ........ ماالغريب الاالشيطان ... ليه أسمن (( الحمدلله يبان على أثر النعمه )) اللهم لك الحمد والشكر والفضل والمنه وأدم النعمه علينا يارب العالمين