تكفون نبي حل!!؟؟

[برق تميم]

والصلاة والسلام على اشرف الانبياء والمرسلين

نبينا محمد عليه افضل السلام والتسليم

(صبحكم الله بالخير)

(مساكم الله بالنور)

وشلونك وش اخباركم

والله انه ضاق صدري يوم الجمعه الماضي العصر

وانا راجع من الطوقي

المواتر كلها محمله ارطى

والله حرام

والناس حاطبين الاخضر واليابس

والله حرام

في الدول الاخرى

وللاسف الغير مسلمه

عندهم اذا بدا ينقرظ عندهم شي

سوو مؤتمرات ويكتبون بالجرايد

ويعلنون بالتلفزيون

والحملات التوعويه

وحنا بالعكس نتفاخر أي واحد حطب اكثر

واي واحد عبا الموتر للتنده

والله اني اذكر قبل 3 سنوات في الدهنا ان الارطى

كثر التراب حول الازفلت وكل ما دخلت يزود

والاسبوع قبل الماضي رحت برفقت بعض الربع

الى الدهنا والله اني مسكت راسي دخلنا حول 5كيلو

واقول وين راحت الارطى

والاسبوع الماضي

عرفت وين راحت يوم شفت الشيصان

والهايلوكسات معبيه للتنده

كل شي الاخضر واليابس

اذا واحد بيحطب مهي بمشكله خل يحطب اليابس فقط

ويحطب الي يكفيه

وفي الاخير ما اقول الا

( الله يهدي شباب المسلمين ويردهم اليه ردا جميلا)

ويا اخوان تكفون نبي حل

[عمار السفينه]

اخي الغالي


المشكله الان صارت الدعوه طمع


لان أسعار الحطب ارتفعت

وهذا ماعندهم مشكلها يملأ صندوق الموتر في دقايق ينتل الاخضر واليابس ويبيع

لانه باختصار يريد الدرااااهم

على حساب غيره


الحل التوعيه المفقوده

وأيضاً التشديد الشديد في نقاط التفتيش لايقاف هذه المهازل والكوارث

الكثير من الشعبان تعرضت لتقطيع الكثير من أشجارها والله يستر على الباقي

[برق تميم]

مشكور وما قصرت
اخوي
ابو عبد الله
وشرفتنا بمرورك

[ابو صقر]

الوعي
الوعي
الوعي

مشكور برق على اثارة هالموضوع

[Abdullah K. AL-Hassan]

وعليكم السلام ورحمة الله وبركاته

الغالي أبو علي

بارك الله فيك وجزاك الله خير الجزاء حقيقه الكثير الكثير منا يعاني من هذه الكوارث التي أصبحت تهدد الحياة الفطرية ..في المملكة

فلو تلاحظ فصل الشتاء ...... الأحتطاب الجائر

وفي أواخره .. الصيد الجائر .. وبالأخص ( الضب ) .. وهو في طريقة إلى الأنقراض

وهذا شيء بسيط من هذه الكوارث التي تهدد الحياة الفطرية

ويوجد الكثير الكثير ..

المشكلة وللأسف أنه لايوجد لدينا أي وعي بيئي ...

والأغلبية .. لايبالون ..

لكن ماراح نحس ........... إلا إذا انقرضت هذه النعمة

اسأل الله ان يصلح شبابنا و يهديهم إلى طريق الصواب ...... آآآآآآآآآآمين يارب

تقبل مني خالص الود والتقدير والمحبة
أخوك ومحبك في الله
عبدالله

[الوافي عزام]

اخي الغالي برق تميم

شاكر لك على موضوعك الذي يصدر من خاطر انسان محب لبيئته
وان دل هذا فهو يدل على وعيك البيئي وعقليتك الناضجه

ولآكن من الصعب السيطره على هؤلاء الناس ( الحطابه ) لأن منهم المتعلم ومنهم الجاهل ومنهم الجاهل المركب .

ولآكن الأمر زاد عن حده وخصوصا في الآونه الأخيره ومع موجة البرد هذه الأيام

ولآ يقتصر الأمر على الأحتطاب الشخصي كما ذكرت . ولآكنه اصبح يباع امام المساجد وفي اماكن تجمعات الناس ( عيني عينك )

وكثر بيع حطب : الغضا والأرطا بشكل ملحوض وعلني وكأنه امر عادي وليس مخالف للقانون

نرجوا من الله الهدايه لهئولآء الفئه ( الضاره للبيئه )


وشاكر لك ومقدر

[برق تميم]

هلا باخوي
صقر
شرفتنا بمرورك
وهذا والله الي نحتاج
(الوعــــــــــــــــــــــــــي)

[برق تميم]

هلا بالغالي
ابو محمد
ايه والله ماراح نحس فيها الا اذا انقرظت
وشاكرلك مرورك يالغالي

[برق تميم]

هلا والله
بابو محمد
يالله ان تحييه
وهذي هي المشكله ان المتعلم والجاهل سوا
ويحطببون الاخضر واليابس
وشاكرلك مرورك

(وما نقول الا الله يهدي شباب المسلمين ويردهم اليه ردا جميلا)

[وراط]

أشكرك اخوي برق تميم على اثارة هذا الموضوع
بصراحة الاخوان ما قصروا في عرض الاسباب و الحلول
الوعي ثم الوعي ثم الوعي
لو كل اب يعلم عياله و هم صغار على هالشي كان قلت هالظاهرة بشكل كبير
و بعدين الارطى بصراحة ما يصلح داخل البيوت ابدااااا ما غير دخنة و زينته بس في الدهناء........

[كاشت]

الف شكر علي الموضوع

[برق تميم]

هلا باخوي
وراط
المشكله انا الاباء هم الي يحطبون ولا العيال وش دراهم الا انهم شافوا ابائهم يحطبون
وصاروا يحسبونها مرجله
وشاكرلك مرورك

[برق تميم]

هلا باخوي
كاشت
شرفتنا بمرورك

[شموخ]

كان فيه تحذير من قبل حماية الحياة الفطرية على المحافظة على اشجار العرعر حتى لاتنقرض من التحطيب الجائر


لكن والله تروح تشوف على ارض الواقع


الأشجار تحزن


لأنه تقطيع سييء جدا بدون اهتمام او مبالاه لما يعمل


الحل ياتي من قناعة الشخص غير كذا يااخي لايوجد حل


فائق احترامي وتقديري


اختك فارسة

[برق تميم]

هلا بك
اختي فارسه
شرفتينا بمرورك