صور صامته من رحلة راحه وتريحه من أيام الاسبوع

[شايب الصمان]

[الانيق]

الحمد لله على السلامة يابو عبدالله

متى ضرب عليكم الكفر مادرينا ولا علمتنا الله يهديك

لازم تعلمنا وش صار ووش قصة ركوب العمدة الدوج بالتفصيل الممل

[BASSAM]

الحمد الله على السلامه

عطنا التفاصيل بسرعهز


جزاك الله خير

[ولد نجد]

الحمد لله على سلامتكم

[راعي كيف]

السلام عليكم
حمد لله على السلامه وماتشوفون شر
وعلى فكره تو ماتبارك الدوج يوم ركبه ابو فراس

هذا يطبل وذا ير؟؟؟؟؟؟؟؟؟

[بن سعيد]

رحلة موفقة

[الليل]

أبو عبدالله ياعلك سالم
لكن الغريبة عمنا خابره ما يمشي إلا بسيارته

[قاطع الفيافي]

الحمد لله على السلامة وما تشوفون شر

[حمد الجبيرى]

الحمد لله على سلامتك يابو عبد الله ورزة ابو فراس على الدوج شى تصدق انه يصلح له بدل الكسره اللى معه

[ثامرالماضي]

بسم الله الرحمن الرحيم

الحمد لله على السلامة يابو عبدالله ... والله ياصورة الكفر إنه توحّش >>>>>>>>>>(( يازين البالون )) ...

بس لو الصور عليهن تعليق تكون إختصرت علينا كثر الأسئلة ...

وبعدين هالصوره حلوه بالحيل ... بس غريبة إن الصاجه ماهيب فيه ... وبعدين كله بكوم والشراب اللي بالسدره بكوم ...
باين على راعيهن إن رجله كبيره ههههههههه ... وأنا أقول وش اللي مزيّن الصوره ... أثر المركى فيه آآآآه بس ...


لاهنت يابو عبدالله ... والحمدلله على السلامه مره أخرى ...

وننتظر باقي الصور ... وغريبه مافيه كفشات عسى ماشر ...

,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,,,,

[حامد الغامدي]

أبو عبالله رحله موفقه وسلامات، وغريبه الكفر يضرب في البر، ممكن التفاصيل وايش أخبار الرحله الثنائيه انت وابو فراس

[شايب الصمان]

الشكر الجزيل للجميع والحمدلله أنني ماكنت مسرع .

الى التفاصيل :

الصوره الاولى :صورة العمده وهو راكب الوحش ... كنا حول ساموده بالربيع هالسنه قالت أبورح أروي ماء قال العمده أبروح معك كمعتاد بحسب الخبره الطويله معه أنه يروح بسيارته ولكن تفاجئت وهو يركب الوحش والحقيقه أن كنت بوناسه لاتوصف العمده بزاته يركب الوحش ويروح معي 30 كيلو رايح جاي ياسلام .

الصوره الثانيه :
فيها عدة لقطات
1- تجربته الخيمه .
2- العزبه الماسيه . ( خارج المنافسه ) .
3- مركى الهديه القيمه .
4- عزبة العمده العالميه .
5- أكياس صامولي لازوم النقانق ...............

الصوره الثالثه :يوم وقفنا برضيان نتقوى بس بعد مامشى العمده مع الجارمن لاحظ جلمود تهريب زيت من الوحش وبعد الكشف السريع من المترو أصدر تقريره أن التهريب من لي علبة الباور ...... .

الصوره الرابعه :بعد الكشف الدقيق على التهريب تبين أن التهريب من رديتر المبرد للقير ونازل الزيت على لي الباور ... وبعد المشارورات مع نفسي حول أم قرين قلت بأذن الله يوصل للرفيعه والحمدلله لاني لاحظت تشكيل القير عند تغير النمر ....وأتضح نقص زيت القير وتم أضافه زيت وتوكلت على رب العالمين .

الصوره الخامسه :مابين النعيريه وأبوحدريه متجه للخبر وكنت بسرعة 130 ... مريت على محطة العرجي وكني شفت شي بالبقاله من زمان عنه ........ .... قلت أرجع وخلك وحده على السريع ورجعت وأخذة وحده بارده بالتوت على السريع ... ومشيت وقبل أبوحدريه 5 كليو قال الكفر بوم وصار اللي شفتوا والحمدلله كنت لاهي بشرب اللي بالتوت وكنت بسرعة 90 .... والحمدلله على كل حال ....بس الموتر ثقيل يالله رفعت الموتر بالجيك الهديدروليك ( العفريته ) بعد التعديل لخشم الحصان...........

[ذيب العرمه]

الحمدالله على السلامه يابو عبدالله وضربه الكفر عسى ماهي وابو فراس معاوني ,اول مره اشوف ابو فراس يركب سياره ومعه احد .

[البجلي]

ياهلا ومسهلا اخوي ابو عبدالله
اولا الحمدلله على السلامه من هالبنشر اللي صار وان شاء الله آخر بنشرررررررررررر
صور رائعه وتقرير رائع مميز كعادتك
الله يعطيك العافيه
ورحله طيبه مع هالوجيه الطيبه
أسأله سبحانه وتعالى ان يجمعنا بكم اعضاء المنتدى مرات عديده
والله الجلسه معكم انه ماتقدر بكنوز الارض كلهاااااااااااااااا
وماشاء الله ابوفراس كاشخ ع الدوج
الظاهر والعالم الله ان الدوج بيصير له صيت بعد هالصوره

قبل ما ارعص اضف الرد السريع
الخيمه هذه وين تباع ؟
وكم سعرها ؟
تقبل تقديري

[عنيزاوي]

ههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

ابو فرآآآآآآآس صديقي العزيز ...ليش ماصورة يوم انك تنشب بين السدره وصدام الجيب عند جيرآآآنكم بالحاصبيات خخخخخخخخخخخخخخخخخخخخخخخخخخخخخخخخخخخخخخ ...

والله كفوووووووووووو يآلنشآمـــآآآ ...وشكرآآآآآ لكم