ابا الحصين (الثعلب )خرمان شاهي

[المترو]

السلام عليكم ورحمة الله وبركاته


مساكم الله بالخير جميعاً

هالليله المباركه ليلة الخميس طلعنا انا وجماعة من الربع باحد الحزوم لاني من محبين التسردح والتمردح بالحزوم ليالي الصيف الجميله براد يا لله لك الحمد ولاحظنا حركة غريبه حول السيارات ((احد الربع بينه وبين اللمبات عداوه لازم يخليها خرمس عشان يرتاح)
ولعله احد الثعالب يحوم حولنا ولم اتمكن من تصويره وفر هاربا اما فر هارب كثر منها

المهم تذكرت السنه الماضيه بنفس المكان ثعلب هجم اما هجم يا ولد لاتورطنا مصطلحات تودي بداهيه نكمل اقصد طب على العزبه و كان تركيزه على علبة الشاهي

الله اعلم ان ابا الحصين خرمان شاهي صاكه راسه الضعيف

وهذه الصوره ولو انها حويل لكن الليله ما اخذت الكمره معي



الظاهر اني انام احسن كثرة الهذره تعور بالاصباع
ولكم وافر الود


والسلام

[Abu Ibrahim]

الأخ الغالي
يازين الثعلب
مشكور على الصورة

[أسد الرحلات]

موضوع جميل حلوة خرمان شاهي يمكن يدور ( تــتــن )

[ابو فراس]

يابو ناصر

الخرمة لاشياء واجد

خرمة شاهي

خرمة حليب خلفات

بس كلهن عادي ممكن يصير

الا خرمة ذبيحة بالليل وواربيعين كيلو بالصمان بدون قارمن قوية

خرمة ذبيحة

[أحمد العريني]

يمكن يدور شاهي أخضر ومالقى

موضوع طريف

[عصا الترحال]

شكل واحد منكم ماسك الشاهي ويدينه مليانه زفر علشان كذا جاه الحصني

[محمد الديحاني]

بسم الله الرحمن الرحيم


موضوع مميز يابو ناصر......وكفشة خطيرة.......بس والله ماني خابرك تحب السهر.....خابرك شايب تحب النوم بدري


شـكــ وبارك الله فيك ـــرا لك ... لك مني أجمل تحية .

[عـبد الرحمن النويصر]

خرمة شاهيه هههههههههههههههههههههههههع

[حامد الغامدي]

يعني لو تبغي تصيد ثعلب يصلح تسوي له كمين شاهي، لقطه حلوه يابو ناصر لكن غريبه ما خاف من نور الفلاش، او هذا نور لمبة الكشته.

[عروان]

السلام عليكم ورحمة الله وبركاته

مرحبا يا أبو ناصر والاخوان


هالحصني ما جاء عبث. جاي على ريحة الدسم واللحم.

خبري بك تطلع البر بربع ذبيحة وترجع بنص ذبيحة....وشلون مدري


ههههههههههههههههههههههههه


والله مشتاق يا بوناصر

[سهيل]

الغالي ابو ناصر

بالعادة الناس لاطبخت الغداء زودت شوي حق الطيور

من اليوم زودو الشاهي للحصانيا


سلمت على الكفشه

[الشيخ قوقل]

أم الكفشات هالصورة

الهديّة

زرق الحصاني تفرس الناس بأظفار=صارت أسباع بالمباني عفيّة

أنتبه لا يعض تراه يدوّر اللحم الرقاق

.

[انوار حرب]

يلوحي يسعد قلبه يناس شـكــ وبارك الله فيك ـــرا لك ... لك مني أجمل تحية .