مـن روائـع الحـويـفـي بالطـــــيـــــــر اعتبره ويعتبره غيري انه راعي الطير الاول وهو / بدر عواد الحويفي الحربي يازين شبت نارنا في الغداري يامل قلب دق به كل طاري ........... طواري بأقصي الضماير تتله وشفق على شوف الفضا والبراري ........... لا صار معه مشبب مسند له خطو ابلج لملاقف الصيد ضاري .......... جدع الضريبه بالسهم عادة له قرم بوجهه للمرؤه شواري .......... رايه سديد وكل درب يدله ماهو حضيبي مزاجه تجاري .......... ليا عقدت الراي عود يقله اول نهارك يعجبك ما انت داري .......... مير البلا تالي نهارك تمله ابا امدح الطيب ولاني مداري .......... واللاش لا خايف ولا حاسب له الفرق باللي ياصلون المحاري .......... وألا الردي شرهات مثلي تزله أبي خوي ضاري بالمساري .......... ما هو مهين يرقد الليل كله ومعنا قطامي يصيد الحباري .......... لحاق لا كوبر له الخرب شله خطو اشقر جثل من الريش عاري .......... افحج مخاليبه سوات الاهله به دق ريش مثل دق الخزاري .......... مهدف ورا مناكبه مستقله منخر وبوز وفيه عده مواري .......... يحتاج به راع النظر لافطن له ماهو بكفاخ طفوق ازعاري .......... طلعه حقاق ان شافهن ساوقن له لا شافهن متطاولات المذاري .......... عقد وحق الطلع والسير تله ويحول اللي طار منهن جباري .......... ذباح للي يو هد اسجدن له يازين طلعه بالضحي والعصاري .......... لا من خشنات الغلب خيشن له هذيك والله منوتي واختياري .......... لو كل من يطلب لزوم حصل له ولو ان حظي مع مزاجي يباري .......... سجلت له صفحه وفأ بالمجله مالي هدف بالسوق بايع وشاري .......... قلبي ذعاذيع الهواء ولعة له انا غرامي مع فجوج الصحاري .......... وشوف الرجوم النايفات المطله لا شفت بالريضان نقع وخباري .......... راح الزعل والبسط حل بمحله بأرض بها للصيد عينه واثاري .......... فيها القطا تلقي فروقه محله مهامل تردم شجرها الذواري .......... نبي لنا فيها وناسه وفله يازين شبه نارنا بالغداري .......... ذوالكيف ابو صالح جلس وارتجله والماء مفوح في نظيف الغواري .......... وصفر يجاذبهن على جال مله وصاحب لهن تقول ماخذ حذاري .......... وفنجالهن يجلي عن الكبد عله واللي على مثلي من الناس زاري .......... لا سامع قوله ولا مصغي له وافخر بحبي للصقاره وأماري .......... ورزقي على اللي كون الكون كله __ ودمتم بود__
الله لايهينك يالغالي وعز الله ان بدر الحويفي من الصقاقير المعروفين وتعتبر قصائده من القصائد الرائعه وخصوصا في وصف الطيور شاكر لك ومقدر
صح لسانك يابو سلمان وصح لسانك أخي درب صعب. الحويفي غني عن التعريف ... وقصائده أصبحت أشهر من نار على علم. وأحسنت الإختيار. بارك الله فيك.
لا شفت بالريضان نقع وخباري .......... راح الزعل والبسط حل بمحله انا اتوقع هالبيت مايختلف عليه اثنين
بسم الله الرحمن الرحيم اخوي الغالي دربي صعب ... عزا لله إن عندك ذوق ماهوب بسيط عقب إختيارك لهالقصيدة ... يازين طلعه بالضحي والعصاري .......... لا من خشنات الغلب خيشن له هذيك والله منوتي واختياري .......... لو كل من يطلب لزوم حصل له والصراحه ماودّك تختار بيت وتخلي باقي القصيده ... لكن هذى ميولي يابعدي ... مشكور على هالنقل .. وننتظر المزيد ... من كل جديد ... ,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,
مهامل تردم شجرها الذواري .......... نبي لنا فيها وناسه وفله هنا الاناسة والسعة وانشراح الخاطر بعيدا عن المدن والغثاء
مبدع مبدع مبدع... والله من أروع القصائد اللي قرأتها لبدر الحويفي جعل تسلم يمينه.. وعلى فكره هذي القصيدو أنشدها المنشد عبالله السكيتي في شريط الشاصي,, وباحاول أجيب رابطها من النت بإذن الله
مشكووور ين على الردود جميعا وماقصرتوا واعتذر على الغيبه عن الردود ,,, لضروف السفر ,,, تحياتي للجميع ,,,
Security team
المواضيع المتشابهه
مـن روائـع الحـويـفـي بالطـــــيـــــــر
العرض العادي
