قير تماتيك----

[قلب الأسد7E]

أخواني الكرام في منتداي الغالي واللي أتشرف
أني أكون أحد أعضائه أشكركم على التواصل الدائم والمواضيع الرائعه

أخواني الغالين أنا أملك هيلكس 2007 دفرنس ودي أحولها من قير عادي لتماتيك

بسبب تعب ركبتي الشديد اللي من قوته ما أقدر أضغط على الكلتش

فا مأدري هل هذا ممكن أنه تكون تماتيك /من حبها الشديد في قلبي ما ودي أغيرها
وش تشورون علي الصراحه فكرة
بقير الفورتنير الأربع سلندر أعتقد أنها يركب

أخواني أنتظر ردودكم بفارغ الصبر ولكم جزيل الشكر وجعله الله في موازين حسناتكم

[Abdullah K. AL-Hassan]

وعليكم السلام ورحمة الله وبركاته

هلا ومرحبا بك أخي الأسد

ونسأل الله لك الشفاء العاجل

القير العادي متعب فعلاً ..

و إذا تطيع شوري بيع الي عندك واشتري 2008 يجي منه قير تماتيك

واما من ناحية التعديل على السيارة فما انصح خاصة ان فيها قير وترهيمات وبتطلع مكلفة عليك

يعني إذا بعت السيارة وحطيت حق القير والشغل بأذن الله تجيب لك سعر الجديد

هذا مالدي وإن شاء الله الأخوان يفيدونك أكثر

أخوكــ عبدالله