بسم الله الرحمن الرحيم السلام عليكم ورحمة الله وبركاته احبتي اعضاء وزوار منتديات الرحلات اسعد الله صباحكم ومسائكم بكل خير لا اطيل عليكم فالمقناص طويل والصور كثيرة .. ومالكم بالطويلة بسم الله وذيك الوناسه والقنص والمشاوير وخوة رجال هل مقانيص وحشام الله جمعهم كلهم في سياير وقدامها فرقهم ظروف وأحكام على الوعد (ف)أول محطة طوابير وفي كل موتر عزبة فوق قسام فلان ينطر له رفيقً على السير وفلان خذ للربع من كل الأنعام وفلان عند البنشري يركب اسبير وفلان قدامه يركب له اسيام وفلان عجل ولايبي زود تأخير شغل وراح وواعد الربع قدام في شفهم ماحسبوا للمخاسير وجينا المضحى الي له الربع شفقين وهذا احد الكواتم وهو ينادي ..الغدا وصور لبعض الطيور سلمان جعله يتبارك وهذي دخلت بين الكفر والهوب .. وصارت كسب لواحد من الربع وصار بذاك اليوم عرض للثعابين .. لاينسى و وهذا مراحنا ومالله كتب لنا شيء وكلن بدا يدعي طيره والي ضرب بالجو في لحظته ميت .. من الجو ياتي للشعيب متهايف وكلن دعى طيره وبدات السمرة والسوالف وبعد قومت الفجر والصلاة والقهوة اكملها في هذا البيت والصبح بأمر الي امر بالصيامي .. كلن ترى طلع النداوي تحراه وهذي الجرة جديدة واخذت علينا 4 ساعات كلن على اعصابه رقينا مع الجرة باثر بارق الجنحان .. ومدوا على الجيبات ذربين الايماني ولخصها الذي يطلع على صيدته شفقان .. وتل الاسبوق الي على الخرب شفقاني وهذي وهي موطية على جراير المواتر وبعد التعب جابها الله .. سوى ترفتا تمشي مع الروض بالحذران كما خلفتا تبرى المقاهير حيراني تعلا الظهور ثم تحول مع الوديان ترقى الشغايا كن مافيه عدواني وطارت يالربع طارت ..جاها الطير تراهي طبت يالربع الطير فوق فوق .. وهذيهي تكوبر .. جاها سلمان .. ماشاء الله .. ماشاء الله وسقنا معاه بموترن سايقه بطران .. مع الدرب ولو بقطوع كن فيه جنحاني ترا الحافظ الله والسبب سايقه فنان .. حريص فطين للدركسون فناني ان شلعت جاها من الجو تنكيس .. وان نوخت جاها على الارض دواس نجماً وحوله من الجو تحويل .. متنكساً فاهق جناحه ومنصل وادلى عليه الكف لادمه يسيل .. كفاً لعله مايجبر ولايشل ضربه يخلي الريش مثل القراطيس .. لرخى على خشن الغلب حد الامواس ودبسها سلمان .. وفرحة الصيد للجميع وعزلناها لتعلوم باقي الطيور وهذي هي بكيسة باب الهند .. وزن وختامية قلت العفو والقصد ماهو مخاسير لاشك قيل النفس تتبع هواها الطرشة الي مابها هدة الطير مالي بها وياقل عندي حلاها واعذرونا على التقصير محبكمـ عبدالله
مشاء الله موفقين خير ان شاء الله وفالكم الخرب
مشاء الله موفقين خير
صايدين وفايدين ياعبدالله أول الفال ويتلاه العقال صور حلوه بالحيل .. وننتظر جديدك عجل علينا ,,,,,,,,,,تحياتي ,,,,,,,,,,
وعليكم السلام صبحك الله بالنور والسرور ماشاء الله تبارك عساه بالف عافيه وفالكم الخرب
ماشاء الله مبروك يا عبدالله وعسى فالك دايم خير ومغنم
صح لسانك ومبروك الصيدة الطيبة وتستاهل يالغالي. بارك الله فيك.
ألف هلا ومرحبا ًبالجميع كلن بأسمه تواجدكم زاد الصفحة جمال أكرر شكري وتقديري لكم محبكم عبدالله
وعليكم السلام ماشاء الله عليكم , وشكله اول هدد لسلمان و فالكم الصيد الطيب هههههه حلوه الهديه
مشاء الله تبارك الله أثرك غاطس على الحباري مبروك وفالك الطيب
الله عليك يالامير تقرير ولا اروع ومبروك يالغالي اسعدني كثيرا
Security team
على الوعد (ف)أول محطة طوابير .. وفي كل موتر عزبة فوق قسام ( مقناصنا 2011 )
العرض العادي
