تكفون يالغالين .. سؤال عن القارمن إذا تكرمتوا ..

[ابو مشيعل]

طبعاً .. وقبل ذِكر السؤال .. احب ان انوه بأني غشيم وعليمي بالقارمن وغيره من اجهزة تحديد المواقع . لكن من كثر ما اضيع دربي بطلعات البر وابهذل اخوياي وهم يدورون علي , قلت يا ابو مشيعل مالك إلا الدليلة في هالوقت "القارمن"

بحثت في الـ ebay , وشفت انواع واحجام مختلفة للبيع ولا أظن انها موجودة في بلدي السعودية , لكني وبسبب الغشامه اللي عندي , فكرت وقلت يا ولد ... يمكن مو كل نوع تشتغل معاه برامج التعريب .

فالسؤال .. هل البرامج اللي اسمع ان الناس ينزلونها عن طريق الانترنت او عن طريق السي دي , ممكن تتماشى مع اي نوع من القارمن ؟

أيضاً .. هل من الممكن التوضيح لصاحب هالمعرف " ابو مشيعل " اللي هو ضيف جديد عليكم .. وتعلمونه الكيفية في ذلك ؟

تحيتي الصادقة للجميع

[محمد المعارك]

فالسؤال .. هل البرامج اللي اسمع ان الناس ينزلونها عن طريق الانترنت او عن طريق السي دي , ممكن تتماشى مع اي نوع من القارمن ؟

حياك الله اخي الفاضل ابو مشيعل

حسب علمي ان كل جهاز له برامجه الخاصة

ولكن اذا تريد نصيحتي لاتتعدى الأجهزة ذات الشعبية حتى تتمكن من استعمالها وجلب البرامج لها وبيعها بسهولة.

أرجو أن أكون فهمت وجاوبت على سؤالك.
وبالتوفيق.

[محمد الديحاني]

اخوي ابو مشيعل


حياك الله في محلك....


وعليك بالدارج كما قال اخوي صقر..............عليك بعطي الله 276c قارمن...ورح لهلك.........ومعرب ان بغيت...موجود وبوفرة بالسوق...



موفق بإذن الله ... لك مني أجمل تحية .

[ابو مشيعل]

يعطيكم الف عافية اخوي صقر واخوي ابو زايد .. بس تكفون لا تتركوني الين استوعب الامر " يعني ابتعبكم شوي "

مثلاً .. اشوف النوفي 750 سعره واصل السعودية اقل من 1200 وحسب مصادر واحد من الناس " مدري عنده سالفة ولا .. لا " يقول ان هذا النوع سعره تقريباً 2500 ريال ..

طبعاً نفس هالاخو سألته عن 276 وحصلت ان سعره في السعودية يعادل ثلاثة اضعاف سعره من الخارج .. " طبعاً انا من انصار الشراء عن طريق الانترنت حتى لو انها سندويشة شاورما "

عموماً .. هل هالانواع احصل لها برامج تعريب ؟