100 خيرة للشاعر / محمد بن شايق

[محمد الديحاني]

بسم الله الرحمن الرحيم

ذبيت في رجم طويل تعلاَّ
حل العصير وقبل وقت الغروبي

من ضيقت الخاطر رقيت اتسلاَّ
والعين عيت عن هواها تتوبي

قامت من العبره تغيض وتملاَّ
تنثر على خدي سواة الغروبي

تذكرت عصر مع الوقت ولاَّ
واقفا مثل طير قفته الهبوبي

يادار وين اللي اليا جيت هلاَّ
واهله بعد لاجيتهم رحبوبي

ابكي على عصر مضالي وزلاَّ
ياهنيكم ياميتين القلوبي

صار العوض عشرة حبيب مملاَّ
امس معي واليوم ماهوب صوبي

ياصاحبي كانك علينا تغلاَّ
والنفس شينه والزمان محسوبي

ماتدري ان اللي{ تغلاَّ يخلاَّ}
وغلاك توه في طرف كم ثوبي

مادام ذا طبعك فعني تخلاَّ
"على سفينة نوح تلقى ركوبي"

لا صار حبك حلم ليل تجلاَّ
علمي معي وانته تدل الدروبي

يمكن مية خيره ولا والله اللاَّ
اسلم من ذنوبك وتسلم ذنوبي

للشاعـر / محمد بن شايق

[حرمل]

مشكور اخي / محمد الديحاني

على عرض هذه القصيدة

بارك الله فيك

[حمد الجبيرى]

لا صار حبك حلم ليل تجلاَّ
علمي معي وانته تدل الدروبي
قصيده رئعه واختيار موفق جزاك الله خير

[أبو فهد العيد]

صار العوض عشرة حبيب مملاَّ
امس معي واليوم ماهوب صوبي


ياصاحبي كانك علينا تغلاَّ
والنفس شينه والزمان محسوبي


ماتدري ان اللي{ تغلاَّ يخلاَّ}
وغلاك توه في طرف كم ثوبي

....
الله الله الله..
صح لسان الشاعر وحي ما جبت والله,
سلمت يمينك.

[راعي الشاص]

صح لسانك يابو زايد
وصح لسان الشاعر
والف شكر لك على الانتقاء.

لاهنت.

[عبدالحميد الحربي]

سلمت يا ابو زايد

إختيار رائع ,,, لقصيد اروع

[سند]

إنتقاء جميل لهذه القصيده الرائعه

صح لسان شاعرها .. ولسان ناقلها

وتسلم يمينك يابوزيد

[محمد بن سيف]

السلام عليكم ورحمة الله وبركاته

ماتدري ان اللي{ تغلاَّ يخلاَّ}
وغلاك توه في طرف كم ثوبي

مادام ذا طبعك فعني تخلاَّ
"على سفينة نوح تلقى ركوبي"
كلام في الصميم

يقول الشاعر
المقفي اقفي عنه لو كان مملوح
والمقبل ارفع له شراع السفينه

ابو زايد ليتك تعطينا نبذه عن الشاعر لان قصيده من السهل الممتنع
دمت بود

[قلم من الصحراء]

مشكور ياغالي وبيض الله وجهك