جاك الفرج يامنتظر طلة سهيل

[راعي الشاص]

السلام عليكم ورحمة الله وبركاته

جاءتني برسالة من عزيز

وحبيت تشاركوني بجمال القصيدة

‏​‏​‏​‏​‏​‏​‏​‏​‏​‏​‏​‏​‏​‏​جاك الفرج يامنتظر طلة سهيل=أيام ويذعذع نسيم البرادي
برز زهابك وإنتبه للمعاميل=وإختار من صفر الدلال الجدادي
خذ ماتبيه وزود البن والهيل=يكفيك لين تعود صوب البلادي
أوصيك أنا في العزبه أم الفناجيل=زود عددها لا تصير إقتصادي

{ تقبل الله منا ومنكم صالح الأعمال }
¤¤¤~~~ عيد سعيد ~~~¤¤¤
**** كل عام وأنتم بألف خير ****

[محمد المعارك]

صح لسانك ولسان الشاعر

وكل عام وانت بخير

[عبدالحميد الحربي]

الله يسعدك يالغالي

أنشهد إن سهيل من أكبر البشاير عند الكشاته

لاهنت

[سليمان محمد]

صح لسانك اخوي
والله حسينا بتغير الجو خاصة آواخر الليل

[راعي ساموده]

بس والله تقل غرنا هالمره
رجع الحر اشد من الصيف ههههههههه
وصح لسان القايل

[خوي السفر]

صح لسانك


والله يهونه ع المسلمين

[الشيخ قوقل]

صح اللسااااااااااااااان
قصيدة جميلة كجمال صاحبها
ننتظر القادم غخي الغالي

[عبدالكريم اليوسف]

صح لسانك ولسان شاعرها

لاعدمناك

[سهيل]

صح لسانك راعي الشاص

ولسان قايلها

والله يطرح فيه البركة

[نشمية]

أبيات جميلة يجب ان تحفظ حقوقها حتى لا تضيع في عالم النت ...

صح لسانك أخي راعي الشاص ...

[راعي الشاص]

اشكر الجميع على الردود والمشاركة.

لاهنتو

[صقر الايسري]

صح لسانك راعي الشاص

الله يعطيك العافيه